15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Դատապարտելի են ընդդիմության՝ «ժեխ, զոմբիներ», իշխանության՝ «պիցցայակեր, ծախված» արտահայտությունները․ Արման Թաթոյան. ՏԵՍԱՆՅՈՒԹ
Հասարակություն
06.05.2021 | 11:08
Այս օրերի արտաքին ու ներքին մարտահրավերները պահանջում են համերաշխություն և համախմբվածություն, հարգանք միմյանց իրավունքների, այդ թվում՝ կարծիքի արտահայտման իրավունքի նկատմամբ: ԱԺ-ում այս համոզմունքը հայտնեց Մարդու իրավունքների պաշտպան Արման Թաթոյանը` 2020 թվականի ՄԻՊ գործունեության տարեկան զեկույցի քննարկմանը:
«Ցավոք, մեր երկրում ներդրվել ու շարունակվում է հանրային, հասարակական-քաղաքական հարթակ բերված նոր ու նախկին, սև ու սպիտակ պիտակավորմամբ դիսկուրսը, որը հասարակությանը խմբերի բաժանելու, խտրականություն սերմանելու անթույլատրելի օրակարգ է»,-ասաց Թաթոյանը:
ՄԻՊ-ը դատապարտեց թե՛ իշխանության, թե՛ ընդդիմության ներկայացուցիչների՝ մարդու իրավունքների ոտնահարման և արժանապատվությունը նսեմացնող գործելակերպը, երբ ատելության խոսքի միջոցով երկրում անհանդուրժողականություն է հաստատվում:
«Դատապարտելի է քաղաքական ընդդիմության առանձին շրջանակների կողմից գործածվող բառապաշարով Հայաստանը խմբերի բաժանելու, մարդկանց վիրավորելու օրակարգի զարգացումն ու խրախուսումը: Անթույլատրելի է հանրային ճանաչում ունեցող առանձին գործիչների կողմից հասարակության մի մասին վիրավորող այնպիսի արտահայտությունների գործածումը, ինչպիսիք են «ժեխ», «զոմբիներ»: Նույն սկբունքով դատապարտելի է իշխանության աջակից որոշ շրջանակների կողմից հանրային լայն կիրառություն ստացած այնպիսի բառապաշարի օգտագործումը, որն ավելի է նպաստում երկրում անհանդուրժողականության մթնոլորտի խորացմանը, օրինակ` «պիցցայակերներ», «ծախվածներ» և այլն»,-ասաց Թաթոյանը:
Նրա խոսքով՝ ՄԻՊ աշխատակազմի դիտարկումները վկայում են, որ նման անթույլատրելի վիճակն ավելի է խորացնում այն հանգամանքը, որ թե’ իշխանության և թե’ ընդդիմության տարբեր շրջանակներին աջակցող կեղծ օգտահաշիվներ կան, որոնք խմբերով են գործում ու հնչեցնում են սպառնալիքներ, բռնության կոչեր. սոցիալական մեդիայի ողջ հայկական տիրույթը ողողվել է հայհոյախառն արտահայտություններով ու ատելության խոսքով:
Մանրամասները՝ տեսանյութում:
