06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Հանցագործությունների և իրավախախտումների կանխման ու բացահայտման միջոցառումներ Կոտայքի մարզում
Հասարակություն
05.05.2021 | 19:29
Հանցագործությունների և իրավախախտումների նախականխման, կանխման ու բացահայտման նպատակով ապրիլի 1-ից 29-ը ոստիկանության Կոտայքի մարզային վարչության ու ենթակա ստորաբաժանումների ծառայողները Կոտայքի մարզում կազմակերպել և իրականացրել են տարաբնույթ միջոցառումներ, որոնց ներգրավված էին նաև ՊՊԳՎ և ՃՈ Կոտայքի մարզը սպասարկող ստորաբաժանումների ծառայողները։
Միջոցառումների ընթացքում հայտնաբերվել և տարբեր կասկածանքներով բերման է ենթարկվել 60 անձ։ Կատարվել են անձնական խուզարկություններ, հայտնաբերվել են ատրճանակ, սվին-դանակ, սառը զենքեր, թմրամիջոցի նմանվող զանգվածներ և այլն։ Հայտնաբերվել են նաև մեքենան առանց վարորդական իրավունքի վկայականի, ինչպես և մեքենան առանց համարանիշերի վարած անձինք։
