11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ընտրությունների ցանկացած արդյունքի դեպքում ունենալու ենք թույլ իշխանություն և թույլ ընդդիմություն․ Իսկանդարյան
Քաղաքականություն
05.05.2021 | 16:00
Հայաստանի գործող իշխանություններն ընտրությունների անցկացմամբ փորձելու են «ռեստարտ անել» իրենց բյուրոկրատական լեգիտիմությունը, որպեսզի ունենան թուղթ, և այն թափահարելով՝ ասեն՝ «տեսե՛ք, մենք լեգիտիմ իշխանություն ենք»։ Այս կարծիքին է քաղաքագետ Ալեքսանդր Իսկանդարյանը։
«Բյուրոկրատական լեգիտիմությունը վերահաստատել հնարավոր է, սոցիալական լեգիտիմությունը՝ ոչ։ Քաղաքական ճգնաժամը շարունակվելու է»,- բացատրում է Իսկանդարյանը։
Նրա խոսքով՝ ընդդիմության վիճակը Հայաստանում ավանդաբար նույնն է․ միավորում չի ստացվում, թեև տարբեր անձինք փորձում ենք իրենց շուրջ միավորումներ ստեղծել։
Ընտրություններից հետո էլ, ըստ քաղաքագետի, լինելու են կեղծիքների մասին մեղադրանքներ, լինելու են դրանք հավաստող տեսանյութեր, լինելու են ընտրությունները չճանաչելու մասին հայտարարություններ և ցույցեր, և այս ամենի արդյունքում ճգնաժամը շարունակվելու է։
«Ընտրությունների ցանկացած արդյունքի դեպքում լինելու է թույլ, հետերոգեն իշխանություն ու թույլ, հետերոգեն ընդդիմություն։ Նույնիսկ կապ չունի, թե որ ուժը կգա իշխանության»,- կարծում է Իսկանդարյանը։
