07.04.2026 | 11:26
Մեծամորում դանակահարություն է բացահայտվել․ 38-ամյա տղամարդը կալանավորվել է․ ՆԳՆ
Բագրատ Եսայանին մեղադրանք է առաջադրվել
Հասարակություն
04.05.2021 | 17:29
ՀՅԴ անդամ Բագրատ Եսայանին մեղադրանք է առաջադրվել ՀՀ քրեական օրենսգրքի 258-րդ հոդվածի առաջին մասով՝ ենթադրյալ խուլիգանության համար։ Այս հոդվածով սահմանվում է, որ խուլիգանությունը՝ դիտավորությամբ հասարակական կարգը կոպիտ կերպով խախտելը, որն արտահայտվել է հասարակության նկատմամբ բացահայտ անհարգալից վերաբերմունքով, պատժվում է տուգանքով՝ նվազագույն աշխատավարձի առավելագույնը հիսնապատիկի չափով, կամ կալանքով՝ մինչև մեկ ամիս ժամկետով:
Factor.am-ի հետ զրույցում Բագրատ Եսայանը նշեց, որ մեղադրանքը ոչ միայն չի ընդունում, այլև համարում է քաղաքական հետապնդում իր նկատմամբ։
«Հիմա, երբ նախընտրական փուլ ենք մտնում, այս իշխանությունը փորձում է այս ձևով հատկապես Դաշնակցության տարբեր անդամների կախված պահել այս մեղադրանքից։ Բայց այս սցենարի հեղինակներին ուզում եմ հիշեցնել, որ այս պրոցեսը սկսվել է 27 տարի առաջ և որևէ հեռանկար չունեցավ, ինչպես 90-ականներին ջախջախվեցին Դաշնակցության դեմ կարված գործերը, այնպես էլ ջախջախվելու են հիմա»,- ասաց նա։
Եսայանը նշեց, որ չի հասկացել, թե իր որ արարքն են իրավապահները որակել որպես խուլիգանություն։ Ասաց՝ կասկածանք կա, որ հայհոյանքներ է հնչեցրել, բայց ինքը նման արարք չի գործել։
Նշենք, որ Եսայանի նկատմամբ խափանման միջոց է ընտրվել ստորագրությունը չհեռանալու մասին։
Լիլիթ Շաբոյան
