14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
ՀանրաԴիտակ. Կեղծ դիտորդներ՝ հարկատուներիս հաշվին. ովքե՞ր էին ընտրությունների 28 921 դիտորդները
Հաղորդաշարեր
15.02.2018 | 18:55
2017-ի ապրիլի 2-ին կայացած Ազգային Ժողովի ընտրությունները աննախադեպ էին դիտորդական առաքելություն իրականացնողների ակտիվությամբ, 49 տեղական հասարակական կազմակերպությունները ԿԸՀ-ում գրանցել էին 28921 դիտորդ: Այսպիսով, 2024 տեղամասերից յուրաքանչյուրին միջինը 14 տեղական դիտորդ էր բաժին ընկել: Դիտորդների ակտիվության այս փաստն անակնկալ էր, սակայն կարճ ժամանակում հայտնի դարձավ, թե ինչու հանկարծ կազմակերպությունները, որոնք սովորաբար պասիվ էին, իրականացնում էին հիմնականում մշակութային, առողջապահական, ռազմա-հայրենասիրական դաստիարակության միջոցառումներ՝ պետական բյուջեից ստացված դրամաշնորհներով, հանկարծ որոշեցին ակտիվորեն ներգրավվել ընտրական գործընթացներում։
Մինչդեռ պարզվում է, որ շատերին անհայտ կազմակերպությունները, տարիներ շարունակ նախագահի աշխատակազմի, տարբեր պետական կառույցների մշտական դրամաշնորհներ ստացողներն են, որոնցից շատերն անգամ հրապարակային հայտարարել են ՀՀԿ-ին կամ Սերժ Սարգսյանին աջակցելու մասին՝ խախտելով և անտեսելով Ընտրական օրենսգրքի 30-րդ հոդվածի պահանջը՝ դիտորդական կազմակերպությունների քաղաքական որևէ աջակցություն չունենալու վերաբերյալ:
Թե ովքեր և ինչ միջոցներով են կեղծ դիտորդական առաքելությամբ սպասարկել այս կամ այն քաղաքական ուժի շահերը՝ դիտեք տեսանյութում:
Հակոբ Կարապետյան
Գայանե Աբրահամյան
