14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Տոկիոյի Օլիմպիական խաղերը կարող են անցկացվել առանց հանդիսատեսի
30.04.2021 | 21:12
Տոկիոյի Օլիմպիական խաղերը կարող են անցկացվել «փակ դռների հետևում»՝ առանց հանդիսատեսի: Այս մասին այսօր հայտնել է կազմկոմիտեի ղեկավարությունը, գրում է Euronews-ը:
Արդեն հայտարարվել է, որ օտարերկրյա հանդիսատեսին չի թույլատրվելու ներկա գտնվել 2020 թվականից հետաձգված Օլիմպիական խաղերին՝ կորոնավիրուսի համաճարակի պատճառով:
Սակայն հիմա Սեյկո Հաշիմոտոն, որը փետրվարին ստանձնել է կազմկոմիտեի ղեկավարի պաշտոնը՝ այն բանից հետո, երբ իր նախորդը ստիպված էր հրաժարական տալ սեքսիստական արտահայտություն անելու պատճառով, հայտարարել է, որ հնարավոր է՝ Օլիմպիական խաղերի ժամանակ ընդհանրապես հանդիսատես չլինի:
«Խաղերը հաջողված կլինեն միայն այն դեպքում, եթե մարզիկներն ու Ճապոնիայի հանրությունը լիակատար պաշտպանված լինեն»,- հայտարարել է նա՝ հավելելով, որ սա նշանակում է, որ հնարավոր է «այնպիսի իրավիճակ, երբ խաղերին հանդիսատես չլինի»։
Տաթև Ֆռանգյան
