Հասարակություն
30.04.2021 | 12:422020-ին ՄԻՊ գրասենյակի աշխատանքների ծանրաբեռնվածությունը զգալիորեն աճել է: Այս մասին ասաց ՄԻՊ Արման Թաթոյանը ՀՀ ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նիստում «2020 թվականի ընթացքում ՀՀ մարդու իրավունքների պաշտպանի գործունեության, մարդու իրավունքների եւ ազատությունների պաշտպանության վիճակի մասին» տարեկան հաղորդման և «ՀՀ մարդու իրավունքների պաշտպանի` որպես կանխարգելման ազգային մեխանիզմի 2020 թվականի գործունեության վերաբերյալ» տարեկան զեկույցի ներկայացման ժամանակ:
Թաթոյանը նշեց, որ արտակարգ դրության պայմաններում, հատկապես մարտից սկսած, շոկային վիճակ էր մարդու իրավունքների համակարգի համար, ընդհանրապես երկրի հանրային առողջության համար՝ կորոնավիրուսով պայմանավորված: «Այդ ժամանակ մենք բախվեցինք մի շարք մարտահրավերների: Գլխավորներից էր այն, որ սահմանափակումները շատ հաճախ էին փոխվում, և իրազեկման լուրջ պակաս կար»,- ասաց Թաթոյանն ու վստահեցրեց, որ ՄԻՊ-ն այդ ժամանակ 24-ժամյա սկզբուքնով աշխատել է՝ օգնելու իրազեկումների հարցում:
Նա նշեց մի քանի հիմնական խնդիրներ՝ կորոնավիրուսով պայմանավորված, որոնք արձանգրել են: «Նախ գլխավոր խնդիրներերից էին աշխատողների իրավունքների հարցերը: Խոսքը աշխատավարձերի վճարման խնդիրների մասին է»,- ասաց Թաթոյանն ու նշեց, որ հաճախ մարդիկ զրկվել են աշխատավարձից, եղել են նաև դեպքեր, երբ մարդկանց հարկադրել են գնալ վճարվող կամ չվճարվող արձակուրդ:
Թաթոյանը նաև ընդգծեց, որ արտակարգ դրության և ռազմական դրության ժամանակ շատ էին բացարձակ սահմանափակումները, որոնք պետությունը չէր կարողանում ապահովել, և օրեքի նորմի խտրական վերաբերմունք էր կիրառվում:
Մանրամասները՝ տեսանյութում:
