30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Ցամաքային սահմաները բացելը մի շարք խնդիրներ է առաջ բերելու. Վրաստանի առողջապահության նախարար
Քաղաքականություն
29.04.2021 | 20:25
Հարևան երկրների հետ ցամաքային ուղիները բացելու կոնկրետ ժամկետներ Վրաստանը չի նշում. ըստ առողջապահության նախարար Էկատերինե Տիկարաձեի` Վրաստանի ցամաքային սահմանների բացումը կախված է առաջին հերթին հարեւան երկրներում համաճարակաբանական իրավիճակից, գրում է aliq.ge-ն:
Սահմանային անցակետերում դժվարություններ են առաջանալու, օրինակ` եթե պարզվի, որ քաղաքացին վարակված է, անհապաղ պետք է նրան իր երկիր վարադարձվելու որոշում կայացվի: Ըստ նախարարի` ապահովագրության օրենքի մեջ փոփոխություններ անելու կարիք կա։
Հավանաբար պարտադիր բժշկական ապահովագրություն կպահանջվի ցամաքային սահմանային անցակետերով Վրաստան մուտք գործող օտարերկրացիներից: Այս դեպքում կորոնավիրուսով վարակվելու պարագայում զբոսաշրջիկի բուժական ծախսերը կփոխհատուցվեն:
Հիշեցնենք` Վրաստանի ցամաքային սահմաններն ավելի քան մեկ տարի փակ են: Նախորդ տարվա մարտի 14-ից Վրաստանը փակվեց Հայաստանի, Թուրքիայի և Ադրբեջանի քաղաքացիների համար, մարտի 16-ից՝ Ռուսաստանի հետ ցամաքային ճանապարհը փակվեց: Մարտի 18-ից ամբողջությամբ արգելվեց օտարերկրյա քաղաքացիներին հատել Վրաստանի սահմանը, ինչպես նաև Վրաստանի քաղաքացիներին արգելվեց լքել երկրի տարածքը:
