05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Քաղաքական հետապնդում է, բայց սա չի կասեցնելու մեր պայքարը․ Արծվիկ Մինասյանը՝ հարցաքննության կանչվելու մասին. ՏԵՍԱՆՅՈՒԹ
Հասարակություն
29.04.2021 | 16:04
ՀՅԴ-ական գործիչներ Գեղամ Մանուկյանը, Արծվիկ Մինասյանը և Գերասիմ Վարդանյանը Երևան քաղաքի քննչական վարչությունում հարցաքննվելու են կասկածյալի կարգավիճակով։ Այս մասին այսօր՝ ապրիլի 29-ին, լրագրողներին ասաց Արծվիկ Մինասյանը։
«Սա այն գործի շրջանակներում է, երբ դատախազը և դատախազության պատասխանատուները ցուցաբերեցին բացահայտ անհարգալից վերաբերմունք մեր քաղաքացիների պահանջների նկատմամբ։ Այն դեպքում երբ «Հեղափոխության պահապանների» մի քանի անդամներ հավաքվում են դատախազության մոտ, դատախազը պատիվ էր անում, իջնում ու բացատրություն էր տալիս։ Այս դեպքում երբ խոսքը գնում է հերոսական սյունեցի ժողովուրդների իրավունքների ոտնահարման, բռնի բերման ենթարկելու ապօրինություններով մարդկանց ազատությունից զրկելու գործընթացներին, երբ հազարավոր քաղաքացիներ պահանջում էին՝ իջնել ներքև և բացատրություն տալ, նրանք ոչ միայն անտարբերության մատնեցին, հետո նրանց անտարբերության պատճառով տեղի ունեցավ այն քաղաքացիական անհնազանդությունը, որն արժանացավ ոստիկանության բիրտ ու ապօրինի գործողություններին։
Այս գործընթացի մեջ հիմա մեզ ներգրավվելը նշանակում է, որ կազմակերպված ձևով քաղաքական հետապնդումը շարունակվում է»,-նշեց Մինասյանը:
«Քաղաքական հետապնդում է, բայց սա չի կասեցնելու մեր պայքարը․Արծվիկ Մինասյանն այս գործընթացը համարեց որպես քաղաքական հետապնդում»,- ընդգծեց Մինասյանը։
Մանրամասները՝ տեսանյութում:
