01.03.2026 | 18:28
Բավրայի մաքսային անցման կետը բաց է բոլոր տեսակի տրանսպորտային միջոցների համար
Մյանմարում պայթեցվել է երկրի ռազմաօդային ուժերին պատկանող երկու ավիաբազա
Քաղաքականություն
29.04.2021 | 19:26
Անհայտ անձինք հինգշաբթի հարձակում են գործել Մյանմարի ռազմաօդային ուժերի երկու ավիաբազայի վրա։ Al Arabia-ի հաղորդմամբ՝ հենակետերից մեկում գրանցվել են պայթյուններ, իսկ մյուսը ենթարկվել է հրթիռային հարձակման:
Ավիաբազաների վրա հարձակումները տեղի են ունեցել Մյանմարում եռամսյա իրարանցումներից հետո, որոնք հրահրվել էին փետրվարի 1-ի ռազմական հեղաշրջմամբ: Հարձակումների համար որևէ մեկը չի ստանձնել պատասխանատվության։ Լրատվականի տեղեկությունների համաձայն՝ զոհեր ևս չկան:
Delta News Agency գործակալության հաղորդմամբ էլ՝ 6 զինվորական է զոհվել 3 պայթյունների արդյունքում։
«Տեղի բնակիչները լսել են առաջին 3 պայթյունները գիշերվա ժամը 3-ի սահմաններում, այնուհետև հնչել է ևս 2 պայթյուն։ Գյուղի բնակիչների տեղեկությունների համաձայն՝ Մյանմարի ռազմաօդային ուժերի 6 զինվորական զոհվել է»,- տեղի ԶԼՄ-ներին է մեջբերում լրատվականը։
Պարզաբանվում է, որ ռազմաբազաներից մեկը տեղակայված է եղել Մեյգ շրջանում: Ենթադրվում է, որ այնտեղ պայթել են երեք ինքնաշեն պայթուցիկ սարքեր:
Տաթև Ֆռանգյան
