Ադրբեջանական վերահսկողության տակ հայտնված Արցախի Վարանդայում (Ֆիզուլի) որոնողական աշխատանքներ այսօր չեն իրականացվել։ Այս մասին Factor TV-ին հայտնեց ԱՀ արտակարգ իրավիճակների պետական ծառայության մամուլի քարտուղար Հունան Թադևոսյանը։
Նրա խոսքով՝ որոնողական աշխատանքները դադարեցվել են երկու օր առաջ և, հավանաբար, կվերսկսվեն վաղը։
Պատճառը, ըստ Թադևոսյանի, 3 օր առաջ ռուս երկու խաղաղապահների՝ ականի պայթյունից վիրավորում ստանալն է։ Դեպքը տեղի է ունեցել ապրիլի 25-ին։
Հիշեցնենք, որ Ադրբեջանի զինված ուժերի վերահսկողության տակ գտնվող Արցախի տարածքներում զինադադարի հաստատումից հետո սկսված որոնման ամբողջ ընթացքում հայտնաբերվել կամ հայկական կողմին է հանձնվել 1551 աճյուն և մնացորդ:
Իրինա Մկրտչյան
