07.10.2026 | 23:48
Արթուր Դանիելյանը կալանավորվեց
Սյունիքի նախկին մարզպետի կինը հարցաքննվել է՝ քրեական գործի շրջանակներում. ՊԵԿ նախագահ. ՏԵՍԱՆՅՈՒԹ
Հասարակություն
27.04.2021 | 12:23
Սյունիքի նախկին մարզպետի կինը՝ Էլիզաբեթ Պետրոսյանը քրեական գործի շրջանակում հարցաքննվել է ՊԵԿ քննչական վարչությունում: Այս մասին այսօր ԱԺ-ում լրագրողների հետ զրույցում նշեց ՊԵԿ նախագահ Էդվարդ Հովհաննիսյանը։ «Այո՛, գտնվել է ՊԵԿ քննչական վարչությունում, հարցաքննվել է», – ասաց Հովհաննիսյանը։ Թե ինչ գործի շրջանակում է քննվել, ՊԵԿ նախագահը չմանրամասնեց՝ ասելով, որ պետք է դիմել նախաքննության մարմնին։
«Նախաքննության մարմինը կգնահատի՝ նպատակահարմար է տեղեկությունը տրամադրել, թե՝ ոչ», – ասաց նա։
ՊԵԿ նախագահի խոսքով՝ սա քաղաքական ճնշում չի կարելի որակել, քանի որ Էլիզաբեթ Պետրոսյանը ոչ միայն նախկին մարզպետի կինն է, այլ ինքնուրույն սուբյեկտ է և առանձին կազմակերպաիրավական միավորի ղեկավար։
Անդրառանալով դիտարկմանը, թե այդ հարցաքննությունը համընկել է Սյունիքում վարչապետի այցի ընթացքում տեղի ունեցած միջադեպին, ՊԵԿ նախագահը նշեց. «Բոլոր համընկնումները դուք կամ հասարակությունը փորձում է մեկնաբանել քաղաքական ենթատեքստերի ներքո։ Նախկինում էլ նշված անձը հրավիրվել է հարցաքննության»։
Մանրամասները՝ տեսանյութում:
