06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Կառավարության պարտքը շեշտակի աճել է․ ինչպե՞ս եք պատրաստվում նվազեցնել․ Խաչատրյանը՝ Ջանջուղազյանին. ՏԵՍԱՆՅՈՒԹ
Տնտեսություն
27.04.2021 | 11:29
Բյուջեի վերաբերյալ նախորդ 9 ամիսների տեղեկանքը քննարկվում է ապրիլ ամսին. այս ուշացումը պայմանավորված է քովիդի հետ կապված արտակարգ դրությամբ և ռազմական դրությամբ, քանի որ հաշվեքննությունները կասեցվել էին և անհրաժեշտաբար հետաձգվել է եզրակացությունների տրամադրումը ԱԺ ֆինասավարկային և բյուջետային հարցերի մշտական հանձնաժողովին: Այս մասին այսօր ԱԺ ֆինանսավարկային և բյուջետային հարցերի մշտական հանձնաժողովի նիստում տեղեկացրեց հանձնաժողովի նախագահ Արկադի Խաչատրյանը:
Դիմելով ՀՀ ֆինանսների նախարար Ատոմ Ջանջուղազյանին՝ Խաչատրյանը նշեց, որ Կառավարության պարտքը շեշտակի աճել է, և հետաքրքրվեց, թե Կառավարությունն ինչպես է փորձում նվազեցնել պարտքը. «Արդյո՞ք այդ հետագիծն արդեն հստակեցվել է կառավարության կողմից, որպեսզի պարտքը կարողանանք նվազեցնել 60 տոկոսով»:
Մանրամասները՝ տեսանյութում:
