31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ալիևը կրկին խոսել է «Զանգեզուրի միջանցքի» մասին
Քաղաքականություն
26.04.2021 | 18:45
Ադրբեջանի նախագահ Իլհամ Ալիևը կրկին անդրադարձել է «Զանգեզուրի միջանցքի» հարցին։ Այս անգամ վերջինս «Զանգեզուրի միջանցքի» մասին է խոսել ՄԱԿ-ի Ասիայի և Խաղաղ օվկիանոսի երկրների սոցիալական ու տնտեսական հանձնաժողովի 77-րդ նստաշրջանի ժամանակ, հայտնում են ադրբեջանական լրատվամիջոցները։
Ալիևի խոսքով՝ «Ադրբեջանը կարևոր ներդրում է ունեցել այնպիսի տարածաշրջանային նախագծերի իրականացման համար, ինչպիսիք է Արևելք-Արմուտք, Հյուսիս-Հարավ, Հյուսիս-Արևմուտք տրանսպորտային միջանցքը»։
«Այս պահին մենք աշխատում ենք «Զանգեզուր տրանսպորտային միջանցքի» վրա, որը կդառնա Ասիան Եվրոպային միացնող Արևելք-Արևմուտք միջանցքի բաղկացուցիչ մաս։ Այս միջանցքը կամրապնդի Ադրբեջանի դիրքերը՝ որպես Եվրասիայի տրանսպորտային և նյութատեխնիկական ապահովման կենտրոն: Ես Ասիա-Խաղաղօվկիանոսյան ավազանից գործընկեր երկրներին հրավիրում եմ դիտարկել տարածաշրջանային այս ծրագրի ներուժը»,- ասել է Ադրբեջանի նախագահը։
Տաթև Ֆռանգյան
