21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Նախարարի հաշվարկները սխալ դուրս եկան․ տնտեսական ակտիվության ցուցանիշն աճել է 3,8%-ով՝ 7,5%-ի փոխարեն
Տնտեսություն
26.04.2021 | 13:49
Այս տարվա մարտին, նախորդ տարվա նույն ամսվա համեմատ, տնտեսական ակտիվության ցուցանիշն աճել է 3,8%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Հիշեցնենք՝ 2020 թվականի մարտից Հայաստանում հայտարարվեց արտակարգ դրություն, ինչի հետևանքով երկրում սահմանվեցին տնտեսական գործունեության սահմանափակումներ, իսկ տնտեսական ակտիվության ցուցանիշը նախորդող տարվա՝ 2019 թվականի մարտի համեմատ՝ նվազեց 4,9%-ով։
Այսպիսով՝ այս տարվա մարտին, նախորդ ճգնաժամային տարվա մարտ ամսվա տնտեսական ակտիվության ցուցանիշի 4,9% նվազման ֆոնին, աճ է գրանցել 3,8%-ով, նախորդ ամսվա՝ փետրվարի համեմատ՝ ՏԱՑ-ն աճել է 9,6%-ով, իսկ 2021-ի հունվար-մարտին 2020-ի նույն ժամանակահատվածի համեմատ նվազել է 2 տոկոսով։
Հիշեցնենք, որ օրեր առաջ ՀՀ էկոնոմիկայի նախարար Վահան Քերոբյանը, խոսելով այս տարվա մարտ ամսի ցուցանիշների մասին, նշել էր, որ իր հաշվարկներով՝ տնտեսական ակտիվության ցուցանիշի աճը կազմել է 7-7,5%:
Նախարարը նշել էր, որ Հայաստանի տնտեսությունը պատերազմից հետո կտրուկ վերականգնվում է։
«Ներդրողները շատ են ու տարբեր բիզնեսների ներկայացուցիչներ, այս պահին էլ մի քանի հարյուր միլիոն դոլարանոց ծրագիր կա, որը Գյումրիի «Կումայրի» կենտրոնին է վերաբերում»,- հավելել է նա։
Անժելա Պողոսյան
