17.05.2026 | 11:41
Նիկոլ Փաշինյանը շնորհավորել է Կասիմ-Ժոմարտ Տոկաևին ծննդյան տարեդարձի առիթով
Ապրիլի 24-ին, ժամը 9։00-11։00-ն ընկած ժամանակահատվածում Ծիծեռնակաբերդի հուշահամալիրը փակ կլինի՝ պայմանավորված պաշտոնական և օտարերկրյա պատվիրակությունների այցելություններով
23.04.2021 | 15:32
ՀՀ կառավարությունից տեղեկացնում են, որ ապրիլի 23-ին, ժամը 23:00-ին Ամենայն Հայոց Կաթողիկոսի տնօրինությամբ, կհնչեն Հայոց Եկեղեցու բոլոր տաճարների զանգերը՝ ի ոգեկոչում Հայոց Ցեղասպանության նահատակների հիշատակի։
Ապրիլի 24-ին, ժամը 9։00-11։00-ն ընկած ժամանակահատվածում Ծիծեռնակաբերդի հուշահամալիրը փակ կլինի՝ պայմանավորված պաշտոնական և օտարերկրյա պատվիրակությունների այցելություններով։
Հայոց ցեղասպանության 106-րդ տարելիցին նվիրված Հիշատակի և եռերգության միջոցառումները կմեկնարկեն ապրիլի 23-ին ժամը 23։00-ին Հայոց ցեղասպանության հուշահամալիրում։ Հայաստանի ազգային ֆիլհարմոնիկ նվագախումբը և Հայաստանի պետական ակադեմիական երգչախումբը կկատարեն Ջ. Վերդիի «Ռեքվիեմը»:
Ապրիլի 23-ի լույս 24-ի գիշերը, ժամը 24:00-ին Կոմիտասի անվ. կամերային երաժշտության տանը Հայաստանի պետական կամերային նվագախումբը և «Հովեր» պետական կամերային երգչախումբը կներկայացնեն Վ. Մոցարտի «Ռեքվիեմը»:
Ապրիլի 24-ին, ժամը 19:15-ին Կ. Դեմիրճյանի անվ. Մարզահամերգային համալիրում, ի հիշատակ հայոց ցեղասպանության նահատակների, Հայաստանի Հանրապետության վարչապետ Նիկոլ Փաշինյանի հովանու ներքո տեղի կունենա համերգ: Տիգրան Մանսուրյանի «Ռեքվիեմ»-ով հանդես կգան Հայաստանի ազգային սիմֆոնիկ նվագախումբը, Հայաստանի պետական կամերային և Երևանի պետական կամերային երգչախմբերը։
Հարգելի հայրենակիցներ, Հայոց ցեղասպանության զոհերի հիշատակման միջոցառումներին և արարողություններին մասնակցելիս անհրաժեշտ է պահպանել հակահամաճարակային բոլոր կանոնները` կրել դիմակ, պահպանել սոցիալական հեռավորություն։
ՀՀ պետական միջոցառումների նախապատրաստման և կազմակերպման հանձնաժողով
