17.09.2026 | 13:01
Հիփոթեք ունեմ 11,5%-ից դառել ա 13%, էդ ո՞նց ա ստացվում․ «Ուժեղ Հայաստանի» պատգամավոր․ ՏԵՍԱՆՅՈՒԹ
4-4․5 տարի հետո ռուսական զորքերը միջազգային խաղաղապահներով փոխարինելու հարց կառաջանա․ Հովսեփ Խուրշուդյան. ՏԵՍԱՆՅՈՒԹ
22.04.2021 | 15:03
Հայ ռազմագերիների հարցը միջազգային հարթակներ տանելը մեզնից կախված չէր: «Հայ գերիների հարցը ԵԽԽՎ-ում. տեղափոխե՞լ խնդիրը միջազգային հարթակներ, թե՞ ոչ» թեմայով առցանց քննարկման ժամանակ այս տեսակետը հայտնեց «Ազատ քաղաքացի» ՀԿ նախագահ Հովսեփ Խուրշուդյանը:
«Իրականում մենք կարող էինք լինել ձևական նախաձեռնողը, բայց իրականում այդ գործընթացը պետք է դիտարկել շատ ավելի լայն համատեքստում, որն ավելի շատ վերաբերում է Ռուսաստանին, քան Հայաստանին: Արևմուտք-ՌԴ այսօրվա հարաբերությունների սրումը, որը որոշ փորձագետներ անվանում են սառը պատերազմ, ինքն իր հետ բերում է նաև որոշ ազդեցություն»,-նշեց Խուրշուդյանը:
Նրա խոսքով՝ արցախյան հակամարտության մեջ ՌԴ-ն վերջերս դարձել է հիմնական միջնորդը և ստանձնել է պարտավորություն հատկապես պատերազմի կանգնեցման առումով: Սակայն ըստ Հովսեփ Խուրշուդյանի՝ օրինակ, եռակողմ պայմանագրում նշված կետերից միայն տարածքների դեօկուպացիայի կետն է կատարվել:
Անդրադառնալով ԵԽԽՎ-ում հայ ռազմագերիների վերադարձի թեմայով քննարկումներին՝ նա նշեց՝ այս ճնշումները ոչ թե միայն Ադրբեջանի վրա են, այլ ուղղված են ՌԴ միջնորդությունը հարցականի տակ դնելուն: Դրան հակառակ ՌԴ-ն անընդհատ փորձում էր արդյունքներ ապահովել: Ուզում էր կոմունիկացիաներն ամեն գնով բացել, որը չի ստացվում, քանի որ Ադրբեջանն է դրա դեմ. ինչ-ինչ միջանցքի պահանջ է դնում, որը արձանագրված չէ հայտարարության մեջ: Փորձում էր գերիների հարցը լուծել, էլի չի ստացվում. Ադրբեջանն է դիմադրում: Հրադադարի ռեժիմն էլի խախտվում է. վերջին օրերի զարգացումները նայեք: Հարց է առաջանում՝ այդ դեպքում ռուսական զորքերի՝ այնտեղ մնալու իմաստը ո՞րն է, եթե հայտարարության մեջ ստանձնած որևէ հարց չի կարողանում իրականացնել: Միակ բանը տարածքների՝ այսպես կոչված դեօկուպացիան էր, որը միջազգային հանրությունը համարում էր, որ Ադրբեջանինն է: Դրանից այն կողմ ՌԴ-ն ոչ մի հարց լուծել չի կարողանում, և այս ԵԽԽՎ քննարկումները հենց նաև դրան են միտված: Պատահական չէ ռուսական պատվիրակության դեմ կամ ձեռնպահ քվեարկելը գերիների հարցը այս հարթակ մտցնելուն: Հասկացել են, որ այն ալիքի մի մասն է, որը նշանակում է Ռուսաստանին ասել կամ քայլեր ձեռնարկել կամ ընդունել Մինսկի ավելի մեծ դերակատարումը: Եվ եթե այսպես շարունակվի, նույնիսկ կարող է 4-4.5 տարի հետո հարց առաջանալ ռուսական զորքերը միջազգային խաղաղապահներով փոխարինելու»:
Մանրամասները՝ տեսանյութում:
