15.07.2026 | 14:10
ՌԴ-ում ծնված ներդրողին Պետդեպը նշանակել է TRIPP-ի հիմնադրամի ղեկավար․ նա ներդրումներ ունի նաև ՀՀ-ում․ The Guardian
ՀՀ նախագահի նկարած Արարատին արձագանքել է Վրաստանում Թուրքիայի դեսպանը
Քաղաքականություն
19.04.2021 | 18:05
Հայաստանի նախագահ Արմեն Սարգսյանի Վրաստան կատարած այցն ու հյուրերի պատվավոր մատյանում նրա նկարած Արարատ լեռը Ադրբեջանում և Թուրքիայում բուռն քննարկումներ է առաջացրել։
Նշենք, որ Վրաստանի նախագահ Սալոմե Զուրաբիշվիլին ֆեյսբուքյան իր էջում լուսանկար էր հրապարակել, որում նախագահ Արմեն Սարգսյանի գրառումն է Վրաստանի հյուրերի պատվո մատյանում։
«Ես վստահ եմ, որ այցի արդյունքների հիման վրա առավել կամրապնդվի հայ և վրացի ժողովուրդների սերտ բարեկամությունը՝ ի բարօրություն մեր ապագա սերունդների»,- գրել է Արմեն Սարգսյանն ու գրառմանը կից նկարել Արարատ լեռը, որի լուսանկարն էլ հրապարակել է Վրաստանի նախագահը։
Հայաստանի նախագահի գրառմանը Twitter-ում արձագանքել է Վրաստանում Թուրքիայի դեսպան Ջերեն Յազգանը՝ թուրքերենով, հայերենով ու վրացերենով։
«Աղրի լեռը Թուրքիայի ամենաբարձր լեռն է՝ 5137 մետր։ Ուղղակի համոզվենք, որ ծաղրանկարային դիվանագիտության մեջ փաստերը չեն կորչում»,- գրել է թուրք դիվանագետը։
Էմմա Չոբանյան
