11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Այն, որ Ադրբեջանում ավելի շատ մարդ կարող է լինել, քան իրենք են ներկայացնում, փաստ է. Դավիթ Բաբայան. ՏԵՍԱՆՅՈՒԹ
15.04.2021 | 14:00
Գերիների հարցն ամենակարևոր խնդիրներից մեկն է, որը միշտ քննարկում ենք, լրագրողների հետ զրույցում ասաց Արցախի Հանրապետության արտաքին գործերի նախարար Դավիթ Բաբայանը։
«Ադրբեջանը չի հրապարակում հստակ թիվ, իսկ եթե չի հրապարակում, բնական է, ինչ-որ խնդիր ունի, ինչ-որ ծրագրեր ունի ու չի բացառվում, որ այդ ծրագրերն ինչ-որ տեղ լինեն հանցավոր»,- ասաց նա։
Բաբայանը նշեց, որ միջազգային հանրությունը պետք է ունենա ավելի մեծ հնարավորություն գերիների հարցի քննարկման ու դրական լուծման գործում։
Արցախի ԱԳ նախարարի խոսքով՝ գերիների հարցով բոլոր դռները պետք է թակել։
«Արցախյան առաջին պատերազմից հետո ադրբեջանցիները հայ ռազմագերիներին, պատանդներին գրանցոմ էին որպես ադրբեջանցիներ ու որպես հասարակ հանցագործներ պահում էին բանտերում, միջազգային հանրությունը չէր կարողանում ինչ-որ տեղ մշտադիտարկում անել։ Իսկ ո՞վ է իմանում, միգուցե, հիմա էլ է այդպես, բայց այն, որ ավելի շատ մարդ կարող է լինել, քան Ադրբեջանն է ներկայացնում, փաստ է»,- ասաց Դավիթ Բաբայանը։
