18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Շիրակցի գերիների հարազատները մարզպետարանի մուտքը փակ են պահում. աշխատակիցները չեն կարողանում դուրս գալ
13.04.2021 | 20:42
Գերեվարված շիրակցիների հարազատները շարունակում են փակ պահել Շիրակի մարզպետարանի մուտքերն ու ելքերը։ Աշխատանքային ժամն ավարտվել է, սակայն կառույցի աշխատակիցները չեն կարողանում մարզպետարանից դուրս գալ ու գնալ տուն։
Հարազատները շարունակում են հանդիպում պահանջել վարչապետի ու պաշտպանության նախարարի հետ։ Հիշեցնենք,որ առավոտից գերիների հարազատները փակել են մարզպետարանի մուտքը։ Օրերս էլ իրենց զավակներին վերադարձնելու պահանջով հարազատները փակել էին Շիրակի մարզի ճանապարհները։
Հիշեցնենք, որ Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Մնացյալ 54 գերիները շարունակում են մնալ Ադրբեջանում։
էմմա Չոբանյան
