16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սերժ Սարգսյանի եղբորորդին կրկին ճաղերի հետևում է․ նա մեղադրանքն ընդունել է. ՏԵՍԱՆՅՈՒԹ
Հասարակություն
13.04.2021 | 20:02
Սերժ Սարգսյանի եղբորորդին՝ Նարեկ Սարգսյանը` նույն ինքը՝ ֆրանկլին Գոնսալեսը, այսօր Վճռաբեկ դատարանի որոշմամբ կրկին կալանավորվեց՝ շուրջ հինգ ամիս ազատության մեջ մնալուց հետո։
Սարգսյանը կալանքից 25 միլիոն դրամ գրավի դիմաց ազատ էր արձակվել պատերազմի օրերին՝ հոկտեմբերի 19-ին։ Վերաքննիչ դատարանի այս որոշումը Դատախազությունը բողոքարկել էր, և այսօր արդեն Վճռաբեկ դատարանը գլխավոր դատախազի տեղակալի բողոքի հիման բեկանեց Վերաքննիչի որոշումը, և ամբաստանյալը նորից կալանավորվեց։
Հիշեցնենք, որ Ալեքսանդր Սարգսյանի որդին Հայաստանում տեղի ունեցած հեղափոխությունից հետո 2018 թվականի հուլիսից հետախուզվում էր։ Նա հայտնաբերվել էր Չեխիայում՝ Ֆրանկլին Գոնսալես անվամբ և 2019-ի դեկտեմբերին արտահանձնվել Հայաստանին։
Սարգսյանը մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի ապօրինի շրջանառությունն իրացնելու, պատրաստելու նպատակով կամ դրանք ապօրինի իրացնելու հատկանիշներով։ Նարեկ Սարգսյանը իր գործով դատական նիստին հայտարարեց, որ իրեն առաջադրված մեղադրանքն ընդունում է և պաշտպանները միջնորդեցին նիստերն անցկացնել արագացված կարգով։
Նիստերը արագացված ընթացք չստացան, քանի որ գործով տուժողը դեմ էր։ Նա դատական նիստի ավարտից հետո Factor.am-ին ասել էր, թե Սարգսյանը իրեն առևանգել է, մինչդեռ այդ մասով մեղադրանք չկա։ Սարգսյանի պաշտպանական թիմից դեռևս չեն հստակեցնում, թե ինչ մարտավարությամբ են շարժվելու և որն է լինելու իրենց հաջորդ քայլը։
Հավելենք, որ Նարեկ Սարգսյանի գործով հաջորդ դատական նիստը նշանակված է ապրիլի 22-ին։
Մանրամասները՝ տեսանյութում։
Լիլիթ Շաբոյան
