07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Միանշանակ, այստեղ քաղաքական ենթատեքստ կա․ Բորիս Նավասարդյանը՝ հայհոյանքը տուգանելու նախագծի մասին. ՏԵՍԱՆՅՈՒԹ
Հասարակություն
13.04.2021 | 17:53
Միանշանակ, քաղաքական ենթատեքստ կա։ Այս ամբողջը պայմանավորված է շատ կոնկրետ քաղաքական իրավիճակով, որում մենք հայտնվել ենք, և դրա մի մասն էլ ընտրություններն են։ Այս մասին այսօր՝ «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով քննարկմանը նշեց Երևանի մամուլի ակումբի նախագահ Բորիս Նավասարդյանը։
«Այդպիսի սահմանափակող կարգավորումների շահագրգռվածությունը, սովորաբար, լինում է այն կողմի մոտ, որն առավել խոցելի է։ Եթե վերհիշենք 2018 թվականը, երբ իշխանությունները բավականին ամուր էին իրենց զգում և վստահ, այդ կարգի նախաձեռնություններ չկային։ Ատելության խոսքի և հայհոյանքի մասին հիմնականում խոսում էին նախկին իշխանությունների ներկայացուցիչները։ Հիմա իրավիճակը փոխվել է, ավելի խոցելի են դարձել ներկայիս իշխանության ներկայացուցիչները, և դա է պատճառը՝ ինչու այդքան հաճախ տեսնում ենք տարբեր օրենսդրական նախաձեռնություններ, որոնք, իրենց դրդապատճառներով, կոչված են պաշտպանել իշխանությունը տեղեկատվական միջավայրից»,- նշեց Բորիս Նավասարդյանը։
Մանրամասները՝ տեսանյութում։
Նելլի Մելքոնյան
