18.11.2024 | 18:32
Նախորդ շաբաթ պահպանվող հատուկ տարածք տեղափոխելով 170 մեքենա
Ռոբերտ Քոչարյանի գործով նիստը հետաձգվեց
Հասարակություն
13.04.2021 | 14:04
Երևանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, այսօր շարունակվում է ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի կաշառքի գործով դատական նիստը։
Նիստին Քոչարյանը չի ներկայացել, նրա պաշտպան Հայկ Ալումյանը դատարանին հայտնեց, որ իր պաշտպանյալին բժիշկը ցուցել է մեկուսանալ, քանի որ նրա շրջապատում կորոնավիրուսային հիվանդությամբ վարակված անձ կա։
Նաև դատարանին հայտնեց, որ կարող է ներկայացնել համապատասխան բժշկական փաստաթուղթ։
Դատարանը որոշեց դատական նիստը հետաձգել, հաջորդ նիստը նշանակվեց մայիսի 4-ին։
Հիշեցնենք` Ռոբերտ Քոչարյանը և Արմեն Գևորգյանը մեղադրվում են առանձնապես խոշոր չափերով կաշառք ստանալու համար, Արմեն Գևորգյանը նաև հանցավոր ճանապարհով ստացված գույքն օրինականացնելու մեջ և այդ մասով նիստը շարունակվելու է։
Քոչարյանը մեղադրվում է 3 միլիոն դոլար կաշառք ստանալու, Գևորգյանը՝ 1 միլիոն դոլար կաշառք ստանալու համար:
Հիշեցնենք նաև, որ նախորդ նիստին 300.1 հոդվածով Ռ. Քոչարյանի, Ա. Գևորգյանի, Ս. Օհանյանի և Յ. Խաչատուրովի նկատմամբ քրեական հետապնդումը դադարեցվել է։
