18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Սահմանված կարգով ու ժամկետում դիմում ներկայացրած զինծառայողներն ընդգրկվել են 2021թ. հիփոթեքային վարկավորման ծրագրում. ՊՆ
Հասարակություն
12.04.2021 | 18:16
ՀՀ կառավարության 2019թ. օգոստոսի 22-ի N 1091-Ն որոշման պահանջների համաձայն՝ ՀՀ ՊՆ համակարգի սպայական և ավագ ենթասպայական կազմերի պայմանագրային զինծառայողների կողմից բնակարան կամ բնակելի տուն ձեռք բերելու նպատակով մատչելի և արտոնյալ պայմաններով երկարաժամկետ հիփոթեքային վարկավորման նպատակային ծրագրին մասնակցելու ցանկություն հայտնած և սահմանված կարգով ու ժամկետում դիմում-հայտ ներկայացրած զինծառայողներն ընդգրկվել են 2021թ. հիփոթեքային վարկավորման ծրագրում. այս մասին հաղորդագրություն է տարածել ՀՀ պաշտպանության նախարարությունը։
«Վարկավորման ծրագրի մասնակիցները, ս.թ ապրիլի 15-ից, ժամը 10:00-ից՝ հինգ աշխատանքային օրվա ընթացքում, անձը հաստատող փաստաթղթով (ՀՀ անձնագիր` հաշվառման նշումով, նույնականացման քարտ ներկայացնելու դեպքում` տեղեկանք անձնագրային բաժնից բոլոր հաշվառումների վերաբերյալ), ծառայողական վկայականով և ծառայության վայրից ծառայության մեջ գտնվելու վերաբերյալ տեղեկանքով, կարող են ներկայանալ ՀՀ ՊՆ ԶԱ ՍՊ և ՎՀ գլխավոր վարչություն (ք.Երևան, Բաբայան 4, հեռ. 010-28-74-41) հիփոթեքային վարկավորման 2021թ. ծրագրին մասնակցելու մասին տեղեկանքը ստանալու համար»,- ասված է հաղորդագրության մեջ:
