24.01.2026 | 14:46
Ուկրաինացիները բողոք են ներկայացրել Հայաստանի հավաքականի ֆուտզալիստի դեմ
Գյումրիի թիվ 25 դպրոցի ուսուցիչը դատական հայց է ներկայացրել փոխվարչապետ Տիգրան Ավինյանի ու Շիրակի մարզպետի որոշման դեմ
Հասարակություն
12.04.2021 | 14:52
Դատական տեղեկատվական համակարգից տեղեկանում ենք, որ Գյումրիի թիվ 25 դպրոցի ուսուցիչ Մերուժան Մինասյանը ապրիլի 6-ին դատական հայց է ներկայացրել ՀՀ փոխվարչապետ Տիգրան Ավինյանի ու Շիրակի մարզպետ Հովհաննես Հարությունյանի որոշման դեմ։ Հայցվորի պահանջն է վերացնել 2021թ-ի փետրվարի 3-ի որոշումը, որով Գյումրիի այս դպրոցի տնօրեն է նշանակվել Իրինա Բաղդասարյանը։
Հիշեցնենք, որ Գյումրի թիվ 25 դպրոցի տնօրենի ընտրությունն ու նշանակումը մեծ աղմուկ բարձրացրեց՝ զուգակցվելով բազմաթիվ բողոքներով ու դպրոցում դասապրոցեսի խաթարմամբ։ Իրինա Բաղդասարյանի՝ դպրոցի տնօրեն նշանակվելուց հետո ուսուցիչները, ծնողներն ու աշակերտները բողոքի ակցիաներ, գործադուլ ու դասադուլ էին կազմակերպել՝ դեմ լինելով տնօրենի պաշտոնում Բաղդասարյանի ընտրությանը ու այն համարել հովանավորչություն։
Նշենք, որ Սեպտեմբերի 15-ին տեղի էր ունեցել դպրոցի տնօրենի ընտրությունը, որին մասնակցել էր 7 թեկնածու։ Ընտրությանն էլ դպրոցի խորհրդի 8 անդամից ներկայացել էին 6-ը։ Արդյունքում՝ Գյումրիի թիվ 9 դպրոցի փոխտնօրեն Իրինա Բաղդասարյանը ստացել էր 2 կողմ, իսկ նույն դպրոցի պատմության ուսուցիչ Մերուժան Մինասյանը՝ 4 կողմ ձայն։ Քանի որ թեկնածուներից ոչ մեկն անհրաժեշտ՝ 5 ձայն չէր ստացել, ընտրությունը կատարել էր փոխվարչապետ Տիգրան Ավինյանը։ Նա մարզպետին առաջարկել էր Բաղդասարյանի թեկնածությունը, ինչը էլ հարուցել էր ծնողների ու ուսուցչական կազմի դժգոհությունը։
Էմմա Չոբանյան
