15.03.2026 | 12:08
Ղազախստանում մեկնարկել է նոր Սահմանադրության վերաբերյալ հանրաքվեն
ՍԴ 8 անդամները պաշտպանեցին Քոչարյանի շահերը. ներողություն, մենք սխալ ՍԴ անդամներ ենք ընտրել. Անդրանիկ Քոչարյան. ՏԵՍԱՆՅՈՒԹ
Հասարակություն
08.04.2021 | 15:26
8 դատավոր, որ այդ որոշումը կայացրին, պատասխանատվություն կրո՞ւմ են այդ 80 հատորների համար, որ մեր հասարակությանը զերծ պահեցին հասկանալու համար այդ գործը բացված է, թե ոչ։ Այս մասին խորհրդարանում լրագրողների հետ ճեպազրույցում նշեց ԱԺ «Իմ քայլը» խմբակցության պատգամավոր Անդրանիկ Քոչարյանը։
«Ով է փորձաքննության ենթարկելու իրենց կայացրած որոշումը։ 300․1-ն իրո՞ք հակասահմանադրական է, թե՞ Հրայր Թովմասյանի ճաշակով է։ Բայց չէ՞ որ այդ հոդվածը տարիներ շարունակ իրենք են դրել։ Նույն Հրայր Թովմասյանն իր հայրիների ու մայրիկների հետ»,- հավելեց Քոչարյանը։
Նրա խոսքով՝ 2․5 տարի փաստաբանական թիմը, որը լավ վճարվում էր, տեղաբնույթի մեջ պահեց հասարակությանը, դատարանն էլ «ստոպ չարեց»։
«Այնուամենայնիվ, Մարտի 1 եղել է, 5 զեկույց կա, որոնց տակ կա իմ ստորագրությունը։ Մեզ զրկեցինք, որ դուք էլ զգաք, որ Մարտի 1-ը բացահայտված է։ Պարոն Ռոբերտ Քոչարյանի շահերը պաշտպանեց 8 անդամից բաղկացած ՍԴ, բա տուժողների շահերը ո՞վ պիտի պաշտպանի»,- հայտարարեց Անդրանիկ Քոչարյանը։
Մանրամասները՝ տեսանյութում։
