06.08.2026 | 09:00
Կառավարության նիստը. ՈՒՂԻՂ
Ռուս խաղաղապահները տեղյակ են պահվել Շուշի-Ստեփանակերտ մայրուղու ցուցանակին ադրբեջանցիների գրառումների մասին. ԱՀ նախագահի խոսնակ
Հասարակություն
06.04.2021 | 20:21
Արցախի իրավապահ, իրավասու մարմիններն արձանագրել են ադրբեջանցիների կողմից Շուշի-Ստեփանակերտ մայրուղու վրա գտնվող «Տանկ» հուշարձանի մոտակայքի ցուցանակին գրություններ թողնելու դեպքը: Այս մասին «Արցախպրես»-ի հետ զրույցում հայտնել է Արցախի Հանրապետության նախագահի մամուլի խոսնակ Լուսինե Ավանեսյանը։
Նա հավելել է, որ դեպքի մասին տեղյակ են պահվել նաև ռուս խաղաղապահները:
«Տեղի ունեցածը, ինչպես նաև Ադրբեջանի կողմից մի շարք այլ քայլեր անհարգալից վերաբերմունք են ինչպես հրադադարի եռակողմ հայտարարության, այնպես էլ՝ ռուս գործընկերների նկատմամբ: Կարծում եմ, ինչ-որ պատշաճ արձագանք կլինի:Ինչ վերաբերում է Արցախի իշխանություններին, ապա նման բոլոր դեպքերը վերլուծվում են և խաղաղապահների հետ համատեղ համապատասխան միջոցառումներ են ձեռնարկվում բնակչության անվտանգությունն ապահովելու համար: Սա հոգեբանական գրոհ է Ադրբեջանի կողմից՝ Արցախում բնակվողների շրջանում հնարավորին վախի մթնոլորտ ստեղծելու համար»,- ասել է Ավանեսյանը:
