08.10.2026 | 14:42
ՄԻՊ-ը Վարդենիսի խնամքի կենտրոնում աշխատանքի շահագործման և այլ խախտումներ է արձանագրել
Այս հազարավոր դրոշներից յուրաքանչյուրի տակ զոհված մի զինվոր է․ Եվրոպան պիտի բացի աչքերը․ Եվրախորհրդարանի պատգամավորն այցելել է Եռաբլուր
Քաղաքականություն
06.04.2021 | 16:10
Եվրախորհրդարանի պատգամավոր Ֆրանսուա-Քսավիե Բելամին այցելել է Եռաբլուր։ Վերջինս այս մասին տեղեկացրել է Facebook սոցկայքի իր էջում` հրապարակելով լուսանկարներ ու դրանց կից գրելով.
««Եռաբլուր» զինվորական գերեզմանատուն: Այս հազարավոր դրոշներից յուրաքանչյուրի տակ նախորդ տարի զոհված մի զինվոր է, որը պաշտպանում էր Հայաստանը՝ վրա հասած հարձակումից: Նրանց մեծամասնությունը հազիվ 20 տարեկան լիներ: Ամբողջ Եվրոպան պիտի բացի աչքերը և ի վերջո, դուրս գա լռությունից»։
Հավելենք, որ ապրիլի 4-ին Ն.Ս.Օ.Տ.Տ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ էջմիածնում ընդունել է Եվրախորհրդարանի պատգամավոր Ֆրանսուա-Քսավիե Բելամիին և պատգամավորի գործընկեր Ժիսլեն Ֆրնաքվիլին՝ ՀՀ-ում Ֆրանսիայի Հանրապետության արտակարգ և լիազոր դեսպան Ժոնաթան Լաքոտի ուղեկցությամբ։
Տաթև Ֆռանգյան
