14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Պետտուրքի բարձրացումը որոշ դեպքերում հօգուտ քաղաքացիների է. փոխնախարար. ՏԵՍԱՆՅՈՒԹ
Տնտեսություն
05.04.2021 | 11:21
«Պետական տուրքի մասին» ՀՀ օրենքում փոփոխություններ և լրացումներ կատարելու մասին», «ՀՀ քաղաքացիական դատավարության օրենսգրքում փոփոխություն և լրացումներ կատարելու մասին» և «ՀՀ վարչական դատավարության օրենսգրքում փոփոխություններ և լրացումներ կատարելու մասին» օրենսդրական փաթեթը երկրորդ ընթերցմամբ քննարկվեց ԱԺ մարդու իրավունքների պաշտպանության և հանրային հարցերի մշտական հանձնաժողովի ապրիլի 5-ի նիստում:
Պետական տուրքը նախկին 1500 դրամի փոխարեն կդառնա 6000 դրամ: Սահմանվել է պետական տուրքի առավելագույն չափ՝ Առաջին ատյանի դատարանում այն կկազմի 25 մլն դրամ, Վերաքննիչ դատարանում՝ 15 մլն դրամ, Վճռաբեկ դատարանում՝ 10 մլն դրամ:
ՀՀ արդարադատության նախարարի տեղակալ Վահե Դանիելյանը նշեց, որ պետական տուրքը երկու կարևոր ֆունկցաի ունի՝ մեկը փոխհատուցման ֆունկցիան է, երկրորդը վերաբերում է նրան, որ կանխարգելիչ նշանակություն ունի. «Այսինքն՝ անհիմն հայցադիմումներ չեն ներկայացվում քաղաքացների նկատմամբ և իրավունքի չարաշահում չի իրականանում: Հետևաբար միանշանակ հնարավոր չէ պնդել, որ պետական տուրքի բարձրացումներն ի վնաս քաղաքացիների են լինելու, մի շարք դեպքերում լինելու են հօգուտ քաղաքացիների»:
Մանրամասները՝ տեսանյութում:
