27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
ԱՄՆ-ն ուշադիր հետևում է Ուկրաինայի արևելքում տիրող իրավիճակին
Քաղաքականություն
02.04.2021 | 13:30
ԱՄՆ-ն ուշադիր հետևում է Ուկրաինայի արևելքում տիրող իրավիճակին և ուսումնասիրում ուկրաինական կողմի հայտարարությունները տեղի ունեցածի վերաբերյալ: Այս մասին հայտարարել է Պենտագոնի խոսնակ Ջոն Քիրբին հերթական ճեպազրույցի ժամանակ, գրում է AP-ն:
«Մենք դատապարտում ենք Ուկրաինայի արևելքում հերթական էսկալացիան։ Այն վերջերս հանգեցրել է 4 ուկրաինացի զինծառայողի մահվան։ Մենք հետևում ենք սահմանի երկայնքով ՌԴ զինված ուժերի տեղակայման վերաբերյալ Ուկրաինայի զինվորականների հայտարարություններին։ Համակ ուշադրությամբ հետևում ենք իրավիճակին և, իհարկե, հորդորում ենք Ռուսաստանին լինել ավելի թափանցիկ»,- հայտարարել է Քիրբին:
Նա ընդգծել է, որ ԱՄՆ-ն ուսումնասիրում է Ուկրաինայի ԶՈւ հաղորդումները, սակայն չի հերքել, որ Վաշինգտոնը կհիմնվի սեփական հետախուզության տվյալների վրա։
Հիշեցնենք՝ իրավիճակը Դոնբասում սրվել է մարտի 26-ին, երբ Շումա գյուղի մոտերքում զոհվել է Ուկրաինայի ԶՈւ 4 զինծառայող։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Կրեմլը մտահոգություն է հայտնում, որ ուկրաինական կողմը կարող է սադրիչ գործողություններ ձեռնարկել Ուկրաինայի հարավ-արևելքում, ինչը քաղաքացիական պատերազմի սպառնալիք կառաջացնի:
Տաթև Ֆռանգյան
