Քաղաքականություն
02.04.2021 | 11:29
Ռուսաստանի խաղաղապահ զորակազմի մարդասիրական ականազերծման ստորաբաժանումը շարունակում է պայթյունավտանգ առարկաներից մաքրել Լեռնային Ղարաբաղի տարածքը: Այս մասին հայտնում են ՌԴ ՊՆ-ից։
Ականազերծման աշխատանքների ընթացքում, 2020 թ.-ի նոյեմբերի 23-ից չպայթած զինամթերքից մաքրվել է 1,873 հա տարածք, 575 կիլոմետր ճանապարհ, 1,658 բնակելի շենք (ներառյալ 30 սոցիալական նշանակության օբյեկտ):
Ընդհանուր առմամբ, ռուս խաղաղապահները հայտնաբերել և վնասազերծել են 25379 պայթունավտանգ առարկա:
Սակրավորների հայտնաբերած պայթուցիկ օբյեկտները տարհանվում և ոչնչացվում են հատուկ կահավորված «Բալիջայի» հրաձգարանում: Զինամթերքը, որը հնարավոր չէ տարհանել, ոչնչացվում է տեղում՝ անվտանգության բոլոր անհրաժեշտ միջոցառումները պահպանելով:
Տաթև Ֆռանգյան
