15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Պատերազմի հետևանքով հաշմանդամություն ձեռք բերած անձանց աշխատանքի ընդունողները արտոնություն կստանան. ՏԵՍԱՆՅՈՒԹ
Հասարակություն
01.04.2021 | 11:46
Կառավարության որոշմամբ Արցախյան պատերազմներին վնասվածք ստացած կամ հաշմանդամություն ձեռք բերած անձանց աշխատանքի ընդունելու դեպքում գործատուին կտրամադրվի ֆինանսական աջակցություն: Այս մասին Կառավարության այսօրվա նիստում տեղեկացրեց աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով նոր նախագիծ:
«Միջոցառման շրջանակներում առաջարկվում է աշխատանքի տեղավորված յուրաքանչյուր անձի համար՝ գործատուին տրամադրել աջակցություն՝ այդ անձի աշխատավարձից հաշվարկված և վճարված եկամտային հարկի չափով, եռամսյակային կտրվածքով՝ առավելագույնը 100 000 դրամի չափով: Ընդ որում, բացի այս աջակցությունից, առաջարկվում է նաև միանվագ փոխհատուցում տրամադրել 500 000 դրամի չափով աշխատատեղի հարմարեցման անհրաժեշտության դեպքում կատարված ծախսերի մասով, մասնավորապես՝ թեքահարթակների կառուցման կամ այլ անհրաժեշտությունների»,- նշեց Առաքելյանը:
Նախարարը նաև տեղեկացրեց, որ նախագիծը վերաբերում է ոչ միայն Արցախյան վերջին պատերազմի հետևանքով վիրավորում ստացածներին, այլև նախորդ պատերազմների ընթացքում վիրավորում ստացած և զինհաշմանդամ համարվող քաղաքացիներին:
Մանրամասները՝ տեսանյութում:
