27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
ՀՀ-ում 1 տարում մոտ 7700 երեխա վարակվել է Covid-19-ով. 120-ի մոտ ախտորոշվել է Կավասակիի համախտանիշ. ՏԵՍԱՆՅՈՒԹ
31.03.2021 | 20:48
«6 տարեկան տղայիս մոտ միայն 2 օր 38,5 ջերմություն եղավ»։ «Իմ 3 տարեկան տղան է հիվանդացել, 2 օր ջերմեց, թվաց թե լավացավ,բայց 14 օր հետո սկսվեց իսկական դժոխքը… աղիների հետ կապված, լուծ, 40+ ջերմություն»։«1.10 էր մոտավոր բալիկս, որ վարակվեցինք, միայն մի օր 7.5 ջերմ ունեցավ, բայց լրիվ լավ էր զգում իրեն»։
Մայրիկները նկարագրում են՝ ինչ ախտանիշներով է երեխաների մոտ արտահայտվել կորոնավիրուսը։ Հայաստանում մեկ տարում՝ մարտը ներառյալ, մոտ 7․700 երեխայի մոտ ախտորոշվել է Քովիդ-19։ Սա կազմում է վարակվածների մոտ 4․5 տոկոսը: Առողջապահության նախարարության մանկաբուժության հարցերով խորհրդատու Սերգեյ Սարգսյանը նշում է՝ խոսքը միայն թեստավորված երեխաների մասին է։
«Արաբկիր» բժշկական համալիրը միակը չէ, որտեղ դրական թեստավորմամբ երեխաներ են բուժում ստանում։ Քովիդ-19 բաժանմունքն այստեղ բացվել է Հայաստանում կորոնավիրուսի ներթափանցումից անմիջապես հետո։ Այս պահին այն ծանրաբեռնված է, բայց հանրապետությունում նոր բաժանմունքներ բացելու կարիք դեռ չկա։
Երեխայի մահվան դեպք ևս գրանցվել է։ Սերգեյ Սարգսյանը նշում է՝ երեխան ունեցել է ուղեկցող ծանր հիվանդություններ։ Քրոնիկ հիվանդություններ ունեցող երեխաների մոտ հիվանդության ընթացքն ավելի ծանր է, մյուս երեխաների դեպքում հիմնական ախտանիշը բարձր ջերմությունն է։
Ամենածանր վիճակը բազմահամակարգային բորբոքայինն է համարվում, որը հայտնի է որպես Կավասակիի համախտանիշ՝ բուժման ծանր ընթացքով և հաշմանդամության զարգացման հնարավոր ելքով։ Առաջին այդպիսի դեպքը Հայաստանում գրանցվել է 2020 թվականի մայիսին։ 1 տարվա ընթացքում 120 երեխայի մոտ է ախտորոշվել այդ համախտանիշը։
Մանրամասները՝ տեսանյութում։
Իրինա Մկրտչյան
