14.01.2026 | 23:22
Հրդեհ է բռնկվել Աշտարակի ձորում գտնվող ռեստորանային համալիրի տաղավարներից մեկում
Հերքում եմ, որ ԲՈՒՀ-ական շենքերը վաճառքի են հանվել. ԿԳՄՍ նախարար․ ՏԵՍԱՆՅՈՒԹ
Հասարակություն
31.03.2021 | 16:41
ԿԳՄՍ նախարար Վահրամ Դումանյանը վստահեցնում է`բուհերի շենքային կառույցները վաճառքի չեն հանվել։
«Հերքում եմ այն պնդումը, որ կա որոշում ինչ-որ շենք ծախելու։ Անկախ նրանից՝ այդ շենքը փլատակ է, որի մեջ բուհ է գործում, թե փլատակ չի, նման որոշում գոյություն չունի։ Առավել ևս, չունի և չի կարող ունենալ նման որոշում, որ վաճառեն Երևանի պետական համալասրանի շենքը։ Պնդում եմ»,- այսօր լրագրողների հետ հանդիպմանը հայտարարեց նախարարը։
Նա հարց հնչեցրեց՝ ինչո՞ւ ենք փնտրում մի բան, որը գոյություն չունի և չի ունենալու։
«Հանգիստ եղե՛ք, ժողովուրդ ջան։ ԵՊՀ շենքն արդեն ֆեյսբուքյան ստեղծարարները դարձրել են գիշերային չգիտեմ ինչ, ցերեկային առևտրի սրահ։ Անհարմար է, սա անհարգալից վերաբերմունք է մեր պետականության, ժողովրդի, սերունդների նկատմամբ»,- ասաց նախարարը։
Հիշեցնենք՝ վարչապետ Նիկոլ Փաշինյանը հայտարարել էր, թե գաղափար կա վաճառել Երևանի բուհերի շենքերն ու ստացված գումարով Երևանից դուրս ակադեմիական քաղաք կառուցել։
Մանրամասները՝ տեսանյութում:
