19.01.2026 | 19:00
Էրդողանը մեծ դիվիդենտ ստացավ՝ չքանում է քրդական պետություն ստեղծելու ծրագիրը, նրանք զինաթափվում են․ Սագո Արեան․ ՏԵՍԱՆՅՈՒԹ
Չի կարելի ասել, որ Մարտի 1-ի գործը տապալված է․ փաստաբան. ՏԵՍԱՆՅՈՒԹ
Հասարակություն
29.03.2021 | 12:39
«Թեև չունենք Սահմանադրական դատարանի որոշման տեքստը, բայց այնքանով, որքանով կոնկրետ հակասահմանադրական է ճանաչել հոդվածը, այլ ոչ թե ճանաչել է սահմանադրական իր իրավական դիրքորոշման շրջանակներում, ավելի հստակ է, մանավանդ 78 և 79 հոդվածները, եթե դրանք առնչվում են մարդու իրավունքներին, դրանք ունիվերսալ սկզբունքներ են, համաչափության սկզբունք է։ Դա նշանակում է, որ ՍԴ-ն հաստատեց այն, ինչ ասում էր Վենետիկի հանձնաժողովը, ինչը նշել էր Եվրոպական դատարանը՝ հոդվածը չունի իրավական հստակություն։ Դա նշանակում է՝ այդ հոդվածը չի կարող կիրառվել, ըստ էության, այդ հոդվածն առ ոչինչ է ճանաչվում իր ստեղծման օրվանից, այսինքն՝ բոլոր գործերը, որոնք հարուցվել են կամ հարուցվում են կամ ընթացքի մեջ են գտնվում այս հոդվածի հիմքով, դրանք պետք է կարճվեն»,- այս մասին այսօր «Սահմանադրական դատարանի որոշումը եվ «Մարտի 1»-ի գործի ապագան» թեմայով առցանց քննարկման ժամանակ ասաց փաստաբան Արա Ղազարյանն` անդրադառնալով Սահմանադրության 301.1 հոդվածի՝ սահմանադրական կարգը տապալելու վերաբերյալ Սահմանադրական դատարանի որոշմանը։
«Չի կարելի ասել, որ 301-րդ հոդվածը իր մեջ ամփոփում է ամբողջ Մարտի 1-ի գործը, Մարտի 1-ին սպանվել և մարմնական վնասվածքներ են ստացել քաղաքացիներ, և այդ գործը վերաբերում է մահաբեր ուժի անհամաչափ և անօրինական կիրառմանը: Եվ չի կարելի ասել, թե Մարտի 1-ի գործը տապալված է, դրա մի մասն է անահաջողության մատնվել: Եվ ինչպես ՍԴ-ն է ասել՝ եթե կա հանցադեպ, ապա դրա քրեական գործը երբեք չի կարող կարճվել: Եվ եթե կան զոհեր և վիրավորներ, ապա գործը պետք շարունակվի մինչև զոհերի խախտված իրավունքների լիակատար վերականգնումը»-նշեց փաստաբանը:
Մանրամասները՝ տեսանյութում:
