23.11.2024 | 10:19
Քյարամյանի մտերիմը` ՔԿ նախագահ. ո՞վ է Արթուր Պողոսյանը
Շիրակցիները շտապում են արտագնա աշխատանքի․ փետրվարին Գյումրիի օդանավակայանից ՌԴ է մեկնել 4․728 ուղևոր
Հասարակություն
26.03.2021 | 21:07
Փետրվարի 1-ից մեկնարկել է «Ճամփորդի՛ր առանց COVID-19-ի» ծրագիրը, որով Հայաստանից Ռուսաստան ու հակառակ ուղղությամբ, կորոնավիրուսի բացասական թեստի առկայության դեպքում, թույլատրվում է ՌԴ մուտքը։
ՌԴ մուտքի արգելքի վերացմանը մեծապես սպասում էին Շիրակի մարզի տարբեր համայնքների բնակիչները, քանի որ մարզը հիմնականում ապրում է արտագնա աշխատանքից ստացված եկամուտների հաշվին։ Անցյալ տարի, կորոնավիրուսի համավարակի պատճառով, արտագնա աշխատանքի մեկնողների մեծ մասը մնացել էր Հայաստանում, և հիմա, երբ հնարավորություն է ստեղծվել, շատերն են շտապում մեկնել։
Փետրվարից Գյումրիի «Շիրակ» օդանավակայանից ՌԴ մեկնողների մեծ հոսք կա։ Օրական մի քանի չվերթ է իրականացվում դեպի ՌԴ՝ ուղևորների մեծ թվով։
«Արմենիա» միջազգային օդանավակայաններ» ՓԲԸ-ի հանրային կապերի բաժնից Factor.am-ին տեղեկացրին, որ «Շիրակ» օդանավակայանից չվերթներ են իրականացնում «Պոբեդա», «Ուրալ», «Նորդ վինդ», «Ազիմուտ», «Նորթ սթար», «Սիբիր» ավիաընկերությունները։ Փետրվարի տվյալներով՝ ընդհանուր ուղևորահոսքը կազմել է 5․933 մարդ։
«2021թ․ փետրվարին ժամանել է 1․205, մեկնել՝ 4․728 ուղևոր»,- փոխանցեցին հանրային կապերի բաժնից՝ հավելելով, որ մարտի տվյալները դեռևս ամփոփված չեն։
Էմմա Չոբանյան
