09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում. ՏԵՍԱՆՅՈՒԹ
Հրանտ Դինքի սպանության գործով 3 նախկին բարձրաստիճան սպա է դատապարտվել ցմահ ազատազրկման
Քաղաքականություն
26.03.2021 | 15:52
Թուրքիայի ոստիկանության նախկին բարձրաստիճան երեք սպա ցմահ ազատազրկման է դատապարտվել 2007-ի հունվարին հայ-թուրքական «Ակոս» թերթի գլխավոր խմբագիր Հրանտ Դինքի սպանության համար, հաղորդում է թուրքական «Անադոլու» գործակալությունը:
Ըստ մեղադրական եզրակացության՝ Դինքի սպանության մեջ ներգրավված է եղել ընդդիմադիր իսլամական քարոզիչ Ֆեթուլլահ Գյուլենի կազմակերպությունը, որը Թուրքիայում կոչվում է FETO և համարվում է ահաբեկչական կազմակերպություն:
Հեռակա կարգով մեղադրանքներ են ներկայացվել նաև Գյուլենի դեմ, որն ապրում է ԱՄՆ-ում:
Գործակալության տվյալներով ՝ Ստամբուլի դատարանը մեղավոր է ճանաչել Դինքի սպանությունը նախապատրաստելու մեջ և ցմահ ազատազրկման է դատապարտել Թուրքիայի Տրապիզոն նահանգի անվտանգության ծառայության նախկին ղեկավար Ռամազան Աքյուրեքին, Ստամբուլի ոստիկանության հետախուզական վարչություն նախկին պետ Ալի Ֆուաթ Յըլմազերին և Ստամբուլի ժանդարմերիայի հետախուզական վարչություն նախկին պետ Մուհարեմ Դեմիրքալեն:
Տրապիզոնի նահանգի ժանդարմերիայի նախկին պետ Ալի Օզը դատապարտվել է 28 տարվա ազատազրկման: Լրագրող Էրջան Գյուն, որը մեղադրվել է FETO- ին անդամակցելու մեջ, դատապարտվել է տասը տարվա ազատազրկման:
Տաթև Ֆռանգյան
