06.10.2026 | 10:49
ՊԵԿ-ը քննարկել է հարկային և մաքսային բարեփոխումների հաջորդ փուլը
Factor.am-ը հայտարարում է գլխավոր խմբագրի մրցույթ
24.03.2021 | 20:59
«Ֆակտոր տեղեկատվական կենտրոն» ՀԿ-ն հայտարարում է մրցույթ՝ Factor.am կայքի գլխավոր խմբագրի հաստիքի համար։
Աշխատանքի նկարագրություն
Գլխավոր խմբագիրը պատասխանատու է լինելու կայքի բովանդակության համար՝ վերահսկելով դրա ստեղծման ողջ գործընթացը՝ նյութերի թեմաների մշակումից, արտադրական գործընթացի կազմակերպումից մինչև վերջնական հրապարակում։ Դա ենթադրում է որակյալ լրագրության չափանիշների, խմբագրական աշխատանքի գերազանց տիրապետում, ստեղծարար մտքի և թիմային աշխատանքի բարձր կարողություններ, ժողովրդավարական արժեքների, մարդու իրավունքների, խոսքի ազատության ջատագովում։
Անհրաժեշտ չափանիշներ
Մասնագիտական բարձրագույն կրթություն՝ առնվազն մագիստրի աստիճան
Լրագրողական աշխատանքի /այդ թվում՝ հեռուստալրագրության/ առնվազն հինգ տարվա փորձ
Խմբագրական աշխատանքի առնվազն երեք տարվա փորձ
Հայերենի գերազանց իմացություն, անգլերենի և ռուսերենի սահուն իմացություն
Թիմային աշխատանքի կազմակերպման կարողություններ
Սահմանված վերջնաժամկետների հստակ պահպանման աշխատանքային կարգապահություն
Արագ որոշումներ կայացնելու կարողություններ
Համակարգչային անհրաժեշտ գիտելիքներ՝ МS Office-ի գերազանց իմացություն
Մեդիաոլորտին վերաբերվող հայաստանյան օրենսդրության և միջազգային ստանդարտների խորքային գիտելիքներ
Ներհայաստանյան և միջազգային քաղաքական, դատաիրավական, սոցիալ-տնտեսական, մշակութային իրողությունների մասին բարձր տեղեկացվածություն։
Հետաքրքրված թեկնածուներին խնդրում ենք ներկայացնել համառոտ ինքնակենսագրություն (CV) և մոտիվացիոն նամակ՝ մինչև ս/թ ապրիլի 12-ը, հինգշաբթի՝ ժ․ 17:00-ն, հետևյալ էլ․հասցեին՝ [email protected]։
Հարցազրույցի կհրավիրվեն նախնական ընտրություն անցած թեկնածուները։
