26.08.2026 | 18:36
74 տարեկան տատիկն ու նրա երկու դուստրերը գտնվում են Աբովյանի կանանց գաղութում․ Գեղամ Մանուկյան․ ՏԵՍԱՆՅՈՒԹ
Ամիսներ անց կրկին քայլում են. պատերազմից հետո պրոթեզավորման կարիք ունեցողները 114-ն են․ ՏԵՍԱՆՅՈՒԹ
Հասարակություն
24.03.2021 | 21:32
Արամ Արզումանյանը 8 տղաներից մեկն է, որոնք այսօր Հայրենիքի պաշտպանի վերականգնողական կենտրոնում ոտքերի պրոթեզներով առաջին քայլերն են անում։ 19-ամյա Արամը պոլիտեխնիկի ուսանող է։ Պատերազմի օրերին Ջրականում էր․ հոկտեմբերի 10-ին վիրավորվել է, կորցրել 2 ոտքը։ Այսօր արդեն պրոթեզների շնորհիվ կրկին քայլում է։
Վերականգնողական կենտրոնի կարևորագույն հաղթանակն է սա․ Երևանի պետական բժշկական համալսարանի ռեկտոր Արմեն Մուրադյանն այսպես է բնորոշում տղաների առաջին քայլերը։
Արցախյան երկրորդ պատերազմի ընթացքում անդամահատված տղաները 114-ն են։ Բոլորի պրոթեզավորման գործընթացը մեկնարկել է։ Ձեռք են բերել աշխարհի լավագույն պրոթեզները՝ վստահեցնում են կենտրոնում։ «Հայաստան» համահայկական հիմնադրամի տնօրենը նշում է՝ Հայաստանի համար նաև զեղչեր են արվել։
Կառավարությունը, ի դեմս Աշխատանքի և սոցիալական հարցերի նախարարության, ստանձնում է է պրոթեզավորման հետագա խնամքը, ինչը շարունակական պրոցես է։
Հոլանդացի պրոթեզաբան Խայս Ֆան Խենթը նշում է՝ մեկնարկից ավելի քան գոհ է, տղաները մոտիվացված են, արագ հարմարվում են։ Միայն սրտնեղում է, որ ապրիլի 25-ին վերադառնալու է Նիդերլանդներ ու չի կարողանալու հետևել ընթացքին։
Մեկնարկից ոգևորված են նաև օրվա հերոսները, չնայած ոգևորության մասին տեսախցիկի առջև խոսել չեն ուզում։
Պահեստազորային Գևորգ Իսունցը վստահեցնում է՝ հիմա էլ, նույնիսկ պրոթեզով, պատրաստ է պատերազմելու։ 22 տարի Բերձորում է ապրել, վիրավորվել է սեպտեմբերի 30-ին Ջրականում։ Կորցրել է ձախ ոտքը։ Վիրավորվել է նաև որդին։ Հիմա միասին են ապաքինվում, միասին էլ կվերադառնան Արցախ։
Վերականգնողական կենտրոնի տնօրեն Հայկուհի Մինասյանն էլ նշում է՝ առաջիկայում նախատեսում են գործընթացում ներգրավել նաև նախորդ տարիներին վիրավորում ստացած տղաներին՝ ամեն տարի այդ շրջանակն ավելի մեծացնելով։
Մանրամասները՝ տեսանյութում։
Իրինա Մկրտչյան
