28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Ամեն ինչ պլանավորված է. ՀՀԿ-ն Սերժ Սարգսյանի վարչապետ դառնալու մասին
Քաղաքականություն
06.02.2018 | 18:24
Խորհրդարանի երեք խմբակցություն անտրամաբանական է համարում, որ Սերժ Սարգսյանը կարող է իշխանությունը կորցնել այն 8 օրերի ընթացքում, երբ ՀՀԿ նախագահ լինելուց բացի ուրիշ որևէ պաշտոն չի զբաղեցնի:
«Իշխանության ներսում չկա էն ներուժը, որ ինքը գնա դրան»,- ասում է ԱԺ ընդդիմադիր փոխնախագահ Միքայել Մելքումյանը:
Մեկ այլ ընդդիմադիր պատգամավոր Արամ Սարգսյանը նկատում է, որ իշխանությունից դժգոհ են նույնիսկ հանրապետական պատգամավորները, սակայն ինքը Սերժ Սարգսյանին առանց իշխանության թողնելու մասով կդժվարանա կանխատեսում անել:
«Սերժ Սարգսյանի մասով իմ արած կանխատեսումները մշտապես սխալ են դուրս եկել»,- խոստովանում է Արամ Սարգսյանը:
Հանրապետական Ալիկ Սարգսյանը այդ 8 օրերին՝ ապրիլի 9-ից մինչև 17-ը առանց իշխանության մնացող Սերժ Սարգսյանի քաղաքական ապագայի մասով ոչ մի մտահոգություն չունի:
«Ամեն ինչ պլանավորված է, ամեն ինչ նախատեսված է, ամեն ինչ քննարկված է նախապես, մենք արդեն կողմնորոշված ենք, հասկանում ենք ինչ պիտի լինի»,- ասում է նախկին ոստիկանապետը:
Մհեր Արշակյան
