21.05.2024 | 12:11
Ադրբեջանի Մեջլիսի խոսնակը մանրամասներ է հայտնել Ժնևում Ալեն Սիմոնյանի հետ հանդիպումից
Ռոբերտ Քոչարյանի և նրա նախկին ենթակաների գործը մտավ դատաքննության փուլ
Հասարակություն
23.03.2021 | 14:55
Այսօր Երևանի ընդհանուր իրավասության դատարանի Շենգավիթի նստավայրում՝ Աննա Դանիբեկյանի նախագահությամբ, որոշում կայացվեց Ռոբերտ Քոչարյանի և նրա ենթակաների գործով անցնել դատաքննության փուլին։
Այս որոշման հրապարակումից հետո Ռոբերտ Քոչարյանի փաստաբանները բոյկոտեցին դատական նիստը և հեռացան նիստերի դահլիճից։
Կներկայանան հաջորդ նիստին, թե՝ ոչ, հայտնի չէ։
Հաջորդ նիստը նշանակվեց հաջորդ երեքշաբթի, որտեղ դատարանը կքննի պաշտպանների գործողությունները։ Դատավորը նշեց, որ Քոչարյանի պաշտպաններն առանց իր թույլտվության լքեցին դատական նիստերի դահլիճը։
Հավելենք՝ արդեն մեկ տարուց ավելի է՝ այս գործը դատարանում էր, սակայն դատաքննության փուլին հասնել այդպես էլ չէր հաջողվում, ընթանում էին նախնական դատական նիստեր։
Լիլիթ Շաբոյան
