01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ներդրումային միջավայրը վատացել է. Էկոնոմիկայի փոխնախարար. ՏԵՍԱՆՅՈՒԹ
Տնտեսություն
22.03.2021 | 12:25
Ներկայումս ներդրումային մի շարք ծրագրեր քննարկման փուլում են՝ սկսած գաղափարից մինչև իրականացում: Այդ մասին ԱԺ-ում լրագրողների հետ ճեպազրույցում ասաց էկոնոմիկայի նախարարի տեղակալ Ավագ Ավանեսյանը:
«Տարածաշրջանում հիմա ներդրումային դաշտի հետ խնդիր կա, մեզ մոտ եղել է պատերազմ, որը ցանկացած ներդրումային միջավայրի համար ռիսկեր է ստեղծում: Մեր քաղաքականությունը պետք է ուղղված լինի այդ ռիկսերի չեզոքացմանը»,- նշեց փոխնախարարը՝ հավելելով, որ ներդրումային միջավայրը, այո, վատացել է և ժամանակ է պետք, որ ներդրողները գան:
«Կարճաժամկետ, այո, խնդիր կա, սակայն երկարաժամետում մենք կարողանալու ենք աճել, մեզ հետաքրքրիր են դարձնում մեր աշխատուժի որակը, ԵԱՏՄ շուկայի հասանելիությունը և այլն: Մեր խնդիրն է կապի մեջ լինել ներդրողների հետ, նրանց համապատասխան գործիքակազմ տրամադրել:
Դժվար է այս պահին գնահատել Հայաստանի տնտեսության վիճակը, բայց կատաստրոֆիկ հարված չի սպասվում: Տնտեսության վրա բացասական ազդեցությունները կորոնավիրուսի պատճառով այնքան մեծ են, որ խլացնում են մյուս ազդեցությունները»,- նշեց փոխնախարարը:
Մանրամասները՝ տեսանյութում:
