24.04.2026 | 23:32
Կապանում ջրանջատում կլինի
Ապօրինի գույքի բռնագանձման վարչությունը ներկայումս ուսումնասիրում է 214 գործ․ Բադասյան. ՏԵՍԱՆՅՈՒԹ
Հասարակություն
22.03.2021 | 10:31
ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունը 2020-ին ուսումնասիրություն է սկսել 214 սուբյեկտի պատկանող գույքի առնչությամբ: Այս մասին ԱԺ պետաիրավական հարցերի մշտական հանձնաժողովի նիստում Կառավարության ծրագրի 2020 թվականի կատարման ընթացքի և արդյունքների մասին զեկույցի ներկայացմանը նշեց ՀՀ արդարադատության նախարար Ռուստամ Բադասյանը:
Բադասյանը հիշեցրեց, որ 2020-ի ապրիլի 16-ին ընդունվել է Ապօրինի ծագում ունեցող գույքի բռնագանձման մասին օրենքը և հարակից օրենքներում փոփոխություններ և լրացումներ կատարելու մասին օրենքների փաթեթը:
2020-ի սեպտեմբերի 3-ից Գլխավոր դատախազության ապօրինի ծագում ունեցող գույքի բռնագանձման գործերով վարչությունը գործարկվել է:
«Ստեղծումից մինչև դեկտեմբերի 31-ն ընկած ժամանակահատվածում վարչությունում ստացվել են 201 քրեական գործերի վերաբերյալ նյութեր՝ քրեական գործերով հնարավոր ապօրինի ծագում ունեցող գույք ունեցող 430 սուբյեկտի վերաբերյալ: Ուսումնասիրություն սկսելու հիմքերի առկայության ստուգման արդյունքում նրանցից 214-ին պատկանող գույքի առնչությամբ որոշում է կայացվել սկսել ուսումնասիրություններ, որոնք ընթացքի մեջ են»,- ասաց նախարարը:
Մանրամասները՝ տեսանյութում:
