06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Սլավիկ Գալստյանը հաղթեց ադրբեջանցի ըմբիշին և կպայքարի օլիմպիական ուղեգրի համար
20.03.2021 | 20:01
Հունգարիայի մայրաքաղաք Բուդապեշտում ընթացող ըմբշամարտի եվրոպական գոտու վարկանիշային մրցաշարում հունահռոմեական ոճի ըմբիշ, 67 կգ քաշային կարգում Հայաստանի ներկայացուցիչ Սլավիկ Գալստյանը դուրս է եկել կիսաեզրափակիչ՝ քառորդ եզրափակչում 14-6 հաշվով ֆանտաստիկ հաղթանակ տանելով ադրբեջանցի Իսլամբեկ Դադովի նկատմամբ, գրում է armsport-ը։
Եզրափակիչ դուրս գալու դեպքում Գալստյանը Տոկիոյի օլիմպիական խաղերի ուղեգիր կնվաճի։ Իսկ եզրափակչի ուղեգրի համար մեր հայրենակիցը կգոտեմարտի Վրաստանի ներկայացուցիչ Ռամազ Թոիձեի հետ։
Սլավիկ Գալստյանը պայքաը սկսել էր որակավորման փուլից, որտեղ 9-6 հաշվով հաղթել էր բուլղարացի Ալեքսանդր Լյաովնչուկին, 1/8 եզրափակչում նա 10-1 հաշվով առավելության էր հասել ֆրանսիացի Մամադասա Սուլիայի նկատմամբ։
