08.10.2026 | 14:15
Տոկաևն առաջարկել է Միջին միջանցքն ինտեգրել TRIPP-ին
17 ուժերը փակուղում են, 20-30 հոգով փողոց են արգելափակած պահում. Ալեն Սիմոնյան. ՏԵՍԱՆՅՈՒԹ
Քաղաքականություն
19.03.2021 | 13:41
Սերժ Սարգսյանը չի որոշել՝ մասնակցի՞ ընտրություններին, թե՞ ոչ, բայց թիմակիցներին ոգևորելու և իր շուրջը համախմբելու խնդիր ունի՝ հայտարարել է ԱԺ փոխնախագահ Ալեն Սիմոնյանը՝ անդրադառնալով Սերժ Սարգսյանի երեկվա հայտարարություններին:
Հիշեցնենք՝ Սերժ Սարգսյանը երեկ դատական նիստից առաջ հայտարարել էր, թե կարող է հեշտությամբ պաշտոն զիջել, կարող է հանուն Հայաստանի ժողովրդի զիջել մի ողջ իշխանություն, բայց երբեք չի լքի խրամատը, որը պաշտպանում է հայկական պետականությունը։
«Ինքը մեկ անգամ է պաշտոն թողել, այն էլ՝ ստիպված: Կարծում եմ՝ նման արտահայտություններ անելը ճիշտ չէ, քանի որ մարդիկ հիշում են իր զբաղեցրած պաշտոնները, ինքն իրեն տուն նվիրելը: Ինքը նույնիսկ տունը չէր կարող թողնել, ի՞նչ պաշտոնի մասին է խոսքը»,- ասաց Սիմոնյանը: Նա հավելեց, որ ուրախ կլինի, եթե նաև նախկին նախագահները մասնակցեն ԱԺ արտահերթ ընտրություններին:
Նա խոսեց նաև իշխող ուժի վարկանիշի մասին՝ ասելով, որ թեև այն նվազել է, բայց քարոզարշավի ընթացքում կփորձեն հետ բերել: «Վստահ եմ՝ իշխող ուժը կրկին հաղթելու է ընտրություններին»,- ասաց Սիմոնյանը՝ հավելելով, որ վստահ է՝ քաղաքացիները գիտեն, թե ինչու իրենց պետք է ընտրեն: «Շատ մարդիկ հիասթափված են, շատերը ջղայնացած մեզ վրա, բայց բոլոր գործընթացները հասկանում են»,- նշեց նա:
«Ընդդիմությունը փակուղում է: 20-30 հոգով փողոց են արգելափակած պահում: Մտածում ու երազում են, որ իրենց ինչ-որ կերպ հնարավորություն ընձեռվի լքելու փողոցը»,- նշեց Սիմոնյանը: «Հայրենիքի փրկության շարժումը», ըստ Սիմոնյանի, ի սկզբանե դատապարտված է եղել անհաջողության:
«Նրանք դրա համար արել են հնարավոր ամեն ինչ՝ սկսած շատ տարբեր լինելուց, վերջացրած իրենց թեկնածուով, մարտավարությամբ, ագրեսիայով: ՀՀ քաղաքացիներին իրենք չեն ճանաչում: ՀՀ քաղաքացիները այդ ագրեսիան, ատելությունը մերժում են և չեն ընդունում», – ասաց Սիմոնյանը:
Մանրամասները՝ տեսանյութում:
