18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Գրանցել տեխնիկական պարտություն, գլխավոր մարզչին որակազրկել, Վանաձոր ՖԱ-ին տուգանել. ՀՖՖ-ի որոշումը
18.03.2021 | 18:21
Մարտի 18-ին տեղի է ունեցել Հայաստանի ֆուտբոլի ֆեդերացիայի կարգապահական և էթիկայի կոմիտեի նիստը` ՀՖՖ Կարգապահական և էթիկայի կոմիտեի փոխնախագահ Ռուբեն Սինոյանի նախագահությամբ, տեղեկացնում է ՀՖՖ պաշտոնական կայքը:
Նիստի ժամանակ որոշում է կայացվել ՀՖՖ Կարգապահական և էթիկայի կանոնակարգի 33-րդ հոդվածի 12-րդ կետի համաձայն` «Լոռի ՖԱ» թիմին գրանցել տեխնիկական պարտություն 0։3 հաշվով, գլխավոր մարզիչ Ալբերտ Սոլոմոնովին որակազրկել մինչև 2021 թվականի մայիսի 15-ը ներառյալ, իսկ Վանաձորի ֆուտբոլի ակադեմիա ՀԿ-ին տուգանել 3000000 ՀՀ դրամի չափով։
Մարտի 16-ին «Լոռին» ֆուտբոլային ակումբի հիմնադիր Թովմաս Գրիգորյանը գրառում էր կատարել իր ֆեյսբուքյան էջում՝ հայտնելով, որ թիմը դադարեցնում է իր մասնակցությունը VBET Հայաստանի Պրեմիեր լիգային:
