14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ՀՀԿ-ն որևէ քաղաքական պրոցեսում դիտորդ չի լինի. Շարմազանովը՝ արտահերթի մասին. ՏԵՍԱՆՅՈՒԹ
Քաղաքականություն
18.03.2021 | 17:03
Երբ Կենտրոնական ընտրական հանձնաժողովը հայտարարի ընտրությունների օրը, Հայաստանի Հանրապետական կուսակցությունը իր կարծիքը կարտահայտի։ Այս մասին այսօր՝ մարտի 18-ին, լրագրողների հետ զրույցում հայտարարեց ԱԺ նախկին փոխնախագահ, ՀՀԿ փոխնախագահ Էդուարդ Շարմազանովը։
«Դե յուրե դեռևս ընտրություններ նշանակված չեն, որովհետև թեկուզ վարչապետի պաշտոնը զբաղեցնող անձի՝ իրական կապիտուլյանտի կողմից հայտարարություն անելը դեռևս չի նշանակում, որ կա ընտրություն։ Երբ Կենտրոնական ընտրական հանձնաժողովը կհայտարարի ընտրությունների օրը, Հայաստանի Հանրապետական կուսակցությունը, օրենքով սահմանված կարգով և ժամկետներում, իր կարծիքը կարտահայտի։ Մի բան կարող եմ հստակ ասել՝ Հանրապետականը քաղաքական որևէ պրոցեսում դիտորդ չի լինելու, Հանրապետականն ունի անելիք և ասելիքը, Հանրապետականը պայքարելու է իր իդեալների համար՝ անկախության, ինքնիշխանության, արցախյան հիմնախնդրում ազգային, հայկական լուծման համար և պայքարելու է գլխավոր խոչընդոտի դեմ. գլխավոր խոչընդոտը կապիտուլյանտն է և նիկոլիզմը»,- նշեց Էդուարդ Շարմազանովը։
«Ես շարունակում եմ պնդել, որ Փաշինյանի կազմակերպած ցանկացած գործընթաց ոչ թե հանգուցալուծում է լինելու, այլ միգուցե ավելի կխճճի քաոսը»,- ընդգծեց ՀՀԿ փոխնախագահը:
