08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Եթե կարողացանք քաղաքացուն համոզել՝ մեզ ձայն տալ, շատ լավ, եթե ոչ, ուրեմն լավ չենք աշխատել. Հովակիմյան. ՏԵՍԱՆՅՈՒԹ
Քաղաքականություն
18.03.2021 | 17:02
Մարտի 1-ի հանրահավաքում վարչապետը օրակարգ բերեց արտահերթ ընտրությունների գնալու հարցը: Դրանից հետո հայաստանյան ներքաղաքական կյանքում, ըստ էության, նախընտրական աժիոտաժ է: Քաղաքական դաշտում այս պահին արդեն իսկ նախընտրական քարոզարշավ է ընթանում: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Վահագն Հովակիմյանը՝ անդրադառնալով դիտարկմանը, որ քիչ առաջ հայտնի դարձավ՝ հունիսի 20-ին անցկացվելու են արտահերթ ընտրություններ, և այդ մասին գրառում է կատարել վարչապետ Նիկոլ Փաշինյանը:
Պատգամավորի դիտարկմամբ՝ քաղաքական ճգնաժամն ունի միայն մեկ հանգուցալուծում՝ դա ընտրություններն են:
«2018-ին մեր քաղաքական ուժի կազմակերպած ընտրությունները որևէ մեկը կասկածի տակ չի դրել…. ՀՀ քաղաքացին է որոշողը՝ ով կլինի իշխանություն, ով կլինի ընդդիմություն: Մեր խնդիրն է քաղաքացուն համոզել, որ մեզ ձայն տա, եթե կարողացանք համոզել, շատ լավ, եթե չկարողացանք, ուրեմն լավ չենք աշխատել»,- նշեց Հովակիմյանը՝ հավելելով, որ պետք է հաշվի նստել քաղաքացիների արտահայտած կամքի հետ:
Անդրադառնալով հարցին, թե փողոցում պայքարող ընդդիմությունն ինչու չէր ցանկանում մասնակցել արտահերթ ընտրություններին՝ պատգամավորը պատասխանեց. «Գիտեն, որ իրենք շանս չունեն, քաղաքացին իրենց օգտին չի քվեարկելու»:
Մանրամասները՝ տեսանյութում:
