17.07.2026 | 21:26
«Ոդիսևս» նոր հեռուստասերիալի նկարահանումները Հայաստանում և Հունաստանում կմեկնարկեն 2027 թվականի սկզբին
Սերգո Կարապետյանի և Սամվել Գալստյանի հարազատները միջնորդել են մահվան հիմքով քրեական հետապնդումը դադարեցնել
Հասարակություն
18.03.2021 | 14:35
Սերժ Սարգսյանի գործով այսօրվա դատական նիստին ամբաստանյալներ Սամվել Գալստյանի և Սերգո Կարապետյանի մասով մահվան հիմքով քրեական հետապնդումը դադարեցնելու մասին նրանց հարազատները դիմում են ներկայացրել դատարան:
Դատավորը հեռացել է խորհրդակցական սենյակ որոշում կայացնելու:
Հիշեցնենք, որ այս գործով անցնող գյուղատնտեսության նախկին փոխնախարար Սամվել Գալստյանն ու գյուղատնտեսության նախկին նախարար Սերգո Կարապետյանը մահացել են կորոնավիրուսի պատճառով։
Նշենք, որ պաշտոնաթող նախագահ Սերժ Սարգսյանը մեղադրվում է պետական բյուջեից մոտ կես միլիարդ դրամի հափշտակությունը կազմակերպելու մեջ։ Գործով մեղադրյալներ են նաև նախկին գյուղնախարար Սերգո Կարապետյանն ու Սերժ Սարգսյանի մտերիմ գործարարներից «Ֆլեշ» ընկերության սեփականատեր Բարսեղ Բեգլարյանը, գյուղատնտեսության նախկին փոխնախարար Սամվել Գալստյանը և նույն նախարարության մեկ այլ բարձրաստիճան պաշտոնյա Գևորգ Հարությունյանը։
Լիլիթ Շաբոյան
