18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Ով կար, նա էլ կա». Վաղարշակ Հարությունյանը՝ «ո՞վ է ԳՇ պետը» հարցին ի պատասխան
Քաղաքականություն
18.03.2021 | 12:22
ՀՀ վարչական դատարանը բավարարել է ՀՀ ԶՈՒ ԳՇ պետ Օնիկ Գասպարյանի գործով հայցի ապահովման միջոց կիրառելու մասին փաստաբանի միջնորդությունը, որով պահանջվել էր կասեցնել Օնիկ Գասպարյանի պաշտոնանկությունը՝ մինչև գործով վերջնական դատական ակտի կայացումը։
Այս որոշման հրապարակումից հետո վարչապետի աշխատակազմը հայտարարություն տարածեց, որ Օնիկ Գասպարյանն ազատված է ՀՀ ԶՈՒ ԳՇ պետի պաշտոնից։ Այսպիսով, ստացվում է, որ այս պահին Հայաստանի Զինված ուժերն ունի ԳՇ պետի պաշտոնակատար (Ստեփան Գալստյան), ԳՇ պետ (Օնիկ Գասպարյան), որի լիազորությունները դատարանը վերականգնել է, և 3֊րդ անձ (Արտակ Դավթյան), որն իրավունքի ուժով մի քանի օրից նշանակվելու է ԳՇ պետ։
Այսօր կառավարության նիստից հետո Factor.am-ը պաշտպանության նախարար Վաղարշակ Հարությունյանից հետաքրքրվեց՝ ի վերջո ո՞վ է Զինված ուժերի ԳՇ պետը։ «Ով կար, նա էլ կա»,- ասաց նախարարն ու հեռացավ։
Նարեկ Կիրակոսյան
